భార్య వేధింపులు తాళలేక భర్త ఆత్మహత్య

హైదరాబాద్‌లోని కీసర పోలీస్ స్టేషన్ పరిధిలో విషాదకర ఘటన చోటుచేసుకుంది. కుటుంబ కలహాల నేపథ్యంలో ఓ వ్యక్తి ఆత్మహత్య చేసుకోవడం కలకలం రేపుతోంది.డాక్టర్ జోసెఫ్ అనే వ్యక్తి గుర్తు తెలియని ఇంజెక్షన్ తీసుకుని ఆత్మహత్య చేసుకున్నట్లు సమాచారం. ఈ ఘటన స్థానికంగా తీవ్ర విషాదాన్ని కలిగించింది.

సమాచారం ప్రకారం, డబ్బు విషయాల్లో భార్యాభర్తల మధ్య తరచూ గొడవలు జరుగుతున్నట్లు తెలుస్తోంది. ఈ కలహాలను తట్టుకోలేక జోసెఫ్ ఈ దారుణ నిర్ణయం తీసుకున్నాడని అనుమానిస్తున్నారు.మృతుడి తండ్రి, తన కుమారుడు కోడలు వేధింపుల వల్లే ఆత్మహత్య చేసుకున్నాడని ఆరోపించారు. ఈ మేరకు పోలీసులకు ఫిర్యాదు చేశారు.

ఈ ఫిర్యాదు ఆధారంగా పోలీసులు కేసు నమోదు చేసి దర్యాప్తు ప్రారంభించారు. ఆత్మహత్యకు దారితీసిన అసలు కారణాలను వెలికితీసేందుకు విచారణ కొనసాగుతోంది.