తెలుగు ఇండస్ట్రీలో నేనూ శైలజా, నేను లోకల్ తర్వాత మహానటి చిత్రంతో తెలుగు, తమిళ ప్రేక్షకుల మనసు దోచింది కీర్తి సురేష్. గ్లామర్ కి ఏమాత్రం ప్రాధాన్యత ఇవ్వకుండా కీర్తి సురేశ్ కి మొదటి నుంచీ హోమ్లీ హీరోయిన్ అనే ముద్రపడింది. ఈ మద్య కీర్తి సురేష్ రూట్ మార్చుకుంటుంది. ప్రస్తుతం గ్లామర్ పాత్రలు చేయడానికి కూడా ఈ చిన్నది ఆసక్తి చూపుతోంది. ఇప్పటికే మహేశ్ బాబు సరసన ‘సర్కారువారి పాట’ సినిమాలో గ్లామరస్ హీరోయిన్ గా కనిపించనుంది.
తమిళ స్టార్ హీరో విజయ్ తెలుగు లో డైరెక్ట్ మూవీ చేయబోతున్న విషయం తెలిసిందే. ఈ మూవీకి వంశి పైడిపల్లి దర్శకత్వం వహిస్తున్నారు. ఈ చిత్రంలో కీర్తి సురేష్ తీసుకునే ప్రయత్నంలో ఉన్నట్టు సమాచారం. ప్రస్తుతం చిత్ర బృందం ఈ విషయంలో ఆమెతో సంప్రదింపులు జరుపుతున్నట్టు తెలుస్తోంది. ఇది కనుక ఖరారైతే కథానాయికగా కీర్తి సురేశ్ స్థాయి మరో మెట్టు ఎక్కుతుందని చెప్పచ్చు.
ప్రముఖ నిర్మాత దిల్ రాజు దీనిని పాన్ ఇండియా మూవీగా నిర్మించడానికి సన్నాహాలు చేస్తున్నారు. ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు జరుగుతున్నాయి. ఇప్పటికే విజయ్ నటించిన ‘సర్కార్’ మూవీలో కీర్తి సురేష్ హీరోయిన్ గా నటించింది.
నిఖిల్ ‘18 పేజీస్’ ఫ‌స్ట్ లుక్ ఎప్పుడో తెలుసా?