- Advertisement -
సాగు చట్టాలకు వ్యతిరేకంగా దేశ రాజధాని ఢిల్లీలో పోరాటం చేస్తోన్న రైతులకు దేశవ్యాప్తంగా మద్దతు లభిస్తోంది. పలువురు.. ఆహారం, ఇతర సౌకర్యాలు కల్పిస్తున్నారు. ఈ క్రమంలోనే సింఘు సరిహద్దులో.. నిరసనలు చేపట్టి అలసిపోయిన రైతులు సేదతీరేందుకు ‘ఫుట్ మసాజర్స్’ ఏర్పాటు చేసింది ‘ఖాల్సా ఎయిడ్-ఇండియా’ అనే ఎన్జీఓ. 25 మసాజర్స్ను అందించింది. ముందుగా వయస్సుపైబడిన వారికి ప్రాధాన్యమిస్తున్నట్లు తెలిపింది.
రైతుల ఆందోళనలకు మద్దతుగా నిలుస్తోన్న వారికి కృతజ్ఞతలు తెలిపింది ఆ ఎన్జీఓ. తమ బృందం అన్నదాతలకు సాయంగా నిలుస్తున్నందుకు గర్వంగా ఉందని పేర్కొంది.
సుదీర్ఘకాలంగా ఇక్కడే ఉన్న వయస్సు పైబడిన రైతులకు ఈ ఫుట్ మసాజర్స్లో సేదతీరేందుకు ప్రాధాన్యమిస్తున్నాం. నిరసనల్లో ఎక్కువ సమయం ఉండటం వల్ల వారు అలసిపోతున్నారు అమర్ప్రీత్ అన్నారు.