హైదరాబాద్ కు చేరుకున్న సీఎం జగన్…..మధ్యాహ్నం కేసీఆర్ తో చర్చలు

గోదావరి జలాలు శ్రీశైలానికి తరలింపు సహా విభజనాంశాలపై ఇవాళ తెలుగు రాష్ట్రాల ముఖ్యమంత్రులు సమావేశం కానున్నారు. హైదరాబాద్ ప్రగతిభవన్ వేదికగా కేసీఆర్, జగన్‌ భేటీ జరగనుంది. దీనిలో భాగంగా సీఎం జగన్ హైదరాబాద్ చేరుకున్నారు.ఉదయం 9:50 గంటలకు గన్నవరం ఎయిర్‌పోర్టు నుంచి ప్రత్యేక విమానంలో బయలుదేరి 10:40 గంటలకు బేగంపేటకు చేరుకున్నారు. అక్కడ నుంచి నేరుగా లోటస్ పాండ్ లోని తన ఇంటికి వెల్లనున్నారు.

మధ్యాహ్నం సీఎం కేసీఆర్ తో ప్రగతీ భవన్ లో చర్చలు జరపనున్నారు. ఈ చర్చలు రెండు తెలుగు రాష్ట్రాల్లో ప్రాధాన్యతను సంతరించుకున్నాయి. గోదావరి నీళ్లను కృష్ణా బేసిన్ కు మళ్లించడానికి తెలంగాణ తరపున ప్రతిపాదనలు రెడీ అయ్యాయి. పోలవరం బ్యాక్ వాటరే మార్గమని నిర్ణయానికి వచ్చారు. ఇవాల్టి ముఖ్యమంత్రుల సమావేశంలో ఈ విషయం ప్రస్తావించనున్నారు.