గత ఏడాది కరోనా కారణంగా థియేటర్లు అన్నీ బంద్ అయ్యాయి. దాంతో చాలా చిత్రాలు ఓటీటీలో రిలీజ్ అయ్యాయి. ఇక థియేటర్లు ఓపెన్ అయ్యాయి.. చిన్నా పెద్దా చిత్రాలు థియేటర్లో సందడి చేస్తున్నాయి. ఈ నేపథ్యంలో చిన్న బడ్జెట్ తో తెరకెక్కిన ‘జాతిరత్నాలు’ సూపర్ డూపర్ హిట్ అయ్యింది. కలెక్షన్లు కూడా భారీగానే రాబట్టింది. ఇక చిట్టి ఫరియా నటన, సహజ అందం ఈ సినిమాకు కలిసొచ్చింది.
స్వప్న సినిమా బ్యానర్ పై నాగ్ అశ్విన్ నిర్మించిన ఈ సినిమాకి అనుదీప్ దర్శకత్వం వహించాడు. నవీన్ పోలిశెట్టి .. ప్రియదర్శి .. రాహుల్ రామకృష్ణ ప్రధానమైన పాత్రలను పోషించారు. దర్శకనిర్మాతలు సాధ్యమైనంత త్వరగా ఈ సినిమాకి సీక్వెల్ చేయాలనే ఆలోచనలో ఉన్నారని చెప్పుకుంటున్నారు.
జాతిరత్నాలు చిత్రంలో జోగిపేట నుంచి హైదరాబాద్ నగరానికి వచ్చాక ఇక్కడ ఎన్ని కష్టాలు పడ్డారో చూపించారు. అయితే సీక్వెల్ మూవీలో ఈ ముగ్గురు తమ కలలు నెరవేర్చుకోవడానికి అమెరికా వెళ్తారు.. అక్కడ ఏం కష్టాలు పడ్డారు అన్నదే చిత్ర కథ అంటున్నారు. త్వరలోనే ఇందుకు సంబంధించిన వివరాలను వెల్లడించే అవకాశం ఉందని చెప్పుకుంటున్నారు.
సల్మాన్ ఖాన్ ‘రాధే’ట్రైలర్ రిలీజ్.. సీటీమార్స్ స్పెషల్..