ఆగ్నేయ ఢిల్లీలోని సంపన్న ప్రాంతమైన కైలాష్ హిల్స్లో బుధవారం ఉదయం ఒక సీనియర్ ఐఆర్ఎస్ అధికారి కుమార్తె తన నివాసంలోనే దారుణంగా అత్యాచారానికి, హత్యకు గురైంది. ఈ కేసులో ప్రధాన నిందితుడు, మాజీ పనివాడు అయిన రాహుల్ మీనా (19)ను ఢిల్లీ పోలీసులు బుధవారం అరెస్ట్ చేశారు. ద్వారక ప్రాంతంలోని ఒక ఓయో (OYO) హోటల్లో అతడిని అదుపులోకి తీసుకున్నారు.
నిందితుడు రాహుల్కు సంబంధించిన ప్రత్యేక సిసిటివి (CCTV) దృశ్యాలు లభ్యమయ్యాయి. ఉదయం 6:24 గంటలకు పసుపు రంగు చొక్కా ధరించిన నిందితుడు మెయిన్ గేట్ నుండి ఇంటి వైపు నడుచుకుంటూ వెళ్లడం ఆ దృశ్యాల్లో కనిపిస్తోంది. ఈ వీడియోను పోలీసులు కీలక సాక్ష్యంగా పరిశీలిస్తున్నారు.
కుటుంబ సభ్యులు జిమ్ నుండి తిరిగి వచ్చేసరికి యువతి ఒక గదిలో విగతజీవిగా పడి ఉంది. జాయింట్ సిపి (CP) విజయ్ కుమార్ తెలిపిన వివరాల ప్రకారం…బుధవారం ఉదయం బాధితురాలి తల్లిదండ్రులు మరియు ఆసుపత్రి వర్గాల నుండి పోలీసులకు సమాచారం అందింది. యువతిని ఆసుపత్రికి తరలించగా, అప్పటికే ఆమె మరణించినట్లు వైద్యులు ప్రకటించారు.
పోలీసులు తక్షణమే రంగంలోకి దిగి నిందితుడు రాహుల్ మీనాపై దృష్టి సారించారు. సిసిటివి ఆధారంగా అతను 6:30 గంటలకు కాంప్లెక్స్లోకి ప్రవేశించి, 6:39 గంటలకు ఇంట్లోకి వెళ్ళి, తిరిగి 7:20 గంటలకు బయటకు వచ్చినట్లు గుర్తించారు.నిందితుడి కోసం రాజస్థాన్, ఢిల్లీలలో 15 ప్రత్యేక బృందాలతో గాలింపు చేపట్టి, చివరకు ద్వారకలో పట్టుకున్నారు.
నిందితుడు రాహుల్ మీనా ఈ ఘటనకు ఒకరోజు ముందే రాజస్థాన్లోని అల్వార్లో ఇటువంటి దారుణానికి ఒడిగట్టినట్లు, అక్కడ అతనిపై అత్యాచారం కేసు నమోదైనట్లు పోలీసుల విచారణలో తేలింది.ఇంట్లోని పనివారికోసం ఉంచే అదనపు తాళం చెవుల గురించి నిందితుడికి ముందే తెలుసు. వాటిని ఉపయోగించే అతను ఇంట్లోకి ప్రవేశించాడు. హత్య అనంతరం నిందితుడు తన బట్టలు మార్చుకుని, ఇంట్లో ఉన్న రూ. 2.5 లక్షల నగదుతో పరారయ్యాడు.
ప్రవర్తన: గత ఏడాది కాలంగా ఇక్కడ పనిచేసిన ఇతనికి జూదం ఆడే అలవాటు మరియు ఆర్థిక ఇబ్బందులు ఉన్నట్లు అధికారులు తెలిపారు. ప్రస్తుతం నిందితుడిపై అత్యాచారం, హత్య మరియు దోపిడీ సెక్షన్ల కింద కేసులు నమోదు చేశారు. నిందితుడికి కఠిన శిక్ష పడేలా చూస్తామని పోలీసులు స్పష్టం చేశారు.