కర్నూలు జిల్లాలో అవినీతి ఆరోపణలు ఎదుర్కొంటున్న సీఐ అశోక్పై పోలీసులు కీలక చర్యలు తీసుకున్నారు. గత ప్రభుత్వ కాలంలో ఆయనపై వచ్చిన అవినీతి, అక్రమాల ఆరోపణలపై విచారణ చేపట్టిన కోయ ప్రవీణ్ (డీఐజీ) ఆదేశాల మేరకు కేసు నమోదు చేశారు.
ఇప్పటికే కొన్ని రోజుల క్రితమే అశోక్పై సస్పెన్షన్ విధించిన విషయం తెలిసిందే. తాజాగా, ఆయన పని చేసిన పోలీస్ స్టేషన్లోనే నాన్-బెయిలబుల్ కేసు నమోదు చేయడం ఈ వ్యవహారానికి మరింత ప్రాధాన్యతను తెచ్చింది.
ఈ కేసులో అశోక్తో పాటు మరో వ్యక్తి రాజా సింగ్పై కూడా పలు సెక్షన్ల కింద కేసులు నమోదు చేశారు. విచారణలో భాగంగా ఇద్దరిపై కూడా తీవ్ర ఆరోపణలు వెలుగులోకి వచ్చినట్లు సమాచారం.
సీఐ అశోక్ గతంలో సీకే దిన్నె పోలీస్ స్టేషన్ మరియు చిన్న చౌక్ పోలీస్ స్టేషన్ లలో సీఐగా విధులు నిర్వహించారు. ఆయా స్టేషన్ల పరిధిలో జరిగిన కొన్ని అక్రమాలపై ఫిర్యాదులు రావడంతో విచారణ ప్రారంభమైంది.
ఈ పరిణామాలతో పోలీస్ శాఖలో చర్చనీయాంశంగా మారింది. అవినీతి ఆరోపణలపై కఠిన చర్యలు తీసుకుంటామని అధికారులు స్పష్టం చేస్తున్నారు. కేసు దర్యాప్తు కొనసాగుతుండగా, మరిన్ని వివరాలు వెలుగులోకి వచ్చే అవకాశముంది.