స్టార్టప్ ఇండియా అంతర్జాతీయ సదస్సులో శనివారం సాయంత్రం 5 గంటలకు ప్రసగించనున్నారు ప్రధాని నరేంద్ర మోదీ. ఈ కర్యక్రమంలో వర్చువల్గా పాల్గొనున్నారు. ‘ప్రారంభ్’ పేరిట ఈ సమావేశాన్ని కేంద్ర వాణిజ్య, పరిశ్రమల ప్రోత్సాహక శాఖ నిర్వహిస్తోంది. రెండు రోజుల పాటు జరిగే ఈ సదస్సు శుక్రవారం ప్రారంభమైంది.
2018 ఆగస్టులో కాఠ్మాండులో నిర్వహించిన బిమ్స్టెక్ సదస్సులో పాల్గొన్న ప్రధాని మోదీ, ఈ కార్యక్రమాన్ని భారత్లో నిర్వహిస్తామని అప్పుడే ప్రకటించారు. దేశంలో అంకుర సంస్థలను ప్రోత్సహించేందుకు 2016 జనవరి 16న ‘సార్టప్ ఇండియా’కు శ్రీకారం చుట్టారు మోదీ. దీని ఐదో వార్షికోత్సవం సందర్భంగా స్టార్టప్ ఇండియా అంతర్జాతీయ సదస్సును కేంద్రం నిర్వహిస్తోంది.ఈ సదస్సులో 25 దేశాలకు చెందిన ప్రతినిధులు, 200మంది అంతర్జాతీయ వక్తలు పాల్గొంటున్నారు. వీరినుద్దేశించి శనివారం సాయంత్రం మోదీ ప్రసంగిస్తారు.