స్ట్రెయిన్ విజృంభణ.. రాష్ట్రంలో మళ్ళీ ఆంక్షలు..!

వేర్వేరు దేశాల్లో కరోనా కొత్త స్ట్రెయిన్ విజృంభణ నేపథ్యంలో కర్ణాటక ప్రభుత్వం రాష్ట్రంలో మళ్లీ ఆంక్షలు విధించింది. ఈ రోజు నుంచి రాత్రి కర్ఫ్యూ అమలులో ఉంటుందని ప్రకటించింది.

విదేశాలను నుంచి వచ్చే వారు తప్పనిసరిగా కొవిడ్ సర్టిఫికెట్​ తీసుకురావాలని, ప్రయాణానికి 72 గంటల ముందు పరీక్షలు చేయించుకోవాలని సూచించారు. విమానాశ్రయం వద్ద అన్ని ఏర్పాట్లు చేశామన్నారు. ఆంక్షలపై త్వరలో మార్గదర్శకాలు విడుదల చేస్తామని తెలిపారు. ఉదయం 6 నుంచి రాత్రి 10 వరకు యధావిధిగా కార్యకలాపాలు జరుగుతాయని స్పష్టం చేశారు.రాష్ట్రంలో ఎలాంటి ఆంక్షలు విధించమని చెప్పిన కొన్ని గంటలే ఈ నిబంధనలను అమలు చేయడం గమనార్హం.