Friday, March 29, 2024
- Advertisement -

పత్తి, టమాట ఉత్పత్తుల దిగుమతులపై నిషేధం విధిస్తూ ఆదేశాలు జారీ..!

- Advertisement -

అధ్యక్ష పదవి నుంచి దిగిపోయే కొద్ది రోజుల ముందు చైనాపై మరోమారు ఆంక్షల అస్త్రం సంధించారు అధ్యక్షుడు డొనాల్డ్​ ట్రంప్​. చైనాలోని షింజియాంగ్​ ప్రాంతం నుంచి వచ్చే పత్తి, టమాట ఉత్పత్తుల దిగుమతులపై నిషేధం విధిస్తూ ఆదేశాలు జారీ చేశారు. ఉయ్​గర్​కు చెందిన ఖైదీలు, బందీలను ఆయా ఉత్పత్తుల తయారీ కోసం బలవంతంగా వినియోగిస్తున్నారనే అభియోగాల మేరకు తాజా నిషేధం విధించినట్లు అగ్రరాజ్య కస్టమ్స్​, సరిహద్దు భద్రతా విభాగం(సీబీపీ) తెలిపింది.

కాటన్​, టమాటలతో పాటు నిషేధం విధించిన ఉత్పత్తుల జాబితాలో దుస్తులు, టమాట విత్తనాలు, టమాట సాస్​, వంటకు సిద్ధంగా ఉన్న టమాటలు, టమాటలతో చేసిన ఇతర వస్తువులు ఉన్నాయి.అమెరికాలోకి తక్కువ ధరకే వస్తువులను ఎగుమతి చేసేందుకు చైనా వినియోగిస్తున్న బానిసత్వం, దోపిడీని తాము సహించమని తెలిపారు సీబీపీ యాక్టింగ్​ కమిషనర్ మార్క్​ ఏ మోర్గన్​. మానవ విలువలను గౌరవించే అమెరికా వ్యాపారాలను అది బాధిస్తోందన్నారు. అమెరికా సరఫరా గొలుసులో బలవంతంగా కార్మికులను వినియోగించటాన్ని హోమ్​ల్యాండ్​ సెక్యూరిటీ విభాగం సహించదని స్పష్టం చేశారు.

Related Articles

- Advertisement -

Most Populer

- Advertisement -

Latest News

- Advertisement -