రేవంత్రెడ్డిని పీసీసీ అధ్యక్షుడిగా నియమించడంతో కాంగ్రెస్ పార్టీలో అసంతృప్తులు మొదలైన విషయం తెలిసిందే. మాజీ ఎమ్మెల్యే కిచ్చెన్నగారి లక్ష్మారెడ్డి కాంగ్రెస్కు రాజీనామా చేశారు. ఇక పీసీసీ ఎన్నికల సమన్వయ కమిటీ చైర్మన్గా ఉన్న మర్రి శశిధర్రెడ్డి సైతం తన పదవికి రాజీనామా చేశారు. మరోవైపు కాంగ్రెస్ సీనియర్ నేత, ఎంపీ కోమటిరెడ్డి వెంకట్రెడ్డి.. సంచలన వ్యాఖ్యలు చేశారు. రాష్ట్ర వ్యవహారాలా ఇంచార్జి మాణిక్కం ఠాగూర్ పీసీసీ పదవిని అమ్ముకున్నారని ఆయన వ్యాఖ్యానించారు.
ఓటుకు నోటులా.. నోటుకు పీసీసీ అన్నట్టుగా పరిస్థితి మారిపోయిందని.. గాంధీ భవన్ను టీటీడీపీ భవన్లా మార్చేశారని.. ఎంతో కాలంగా పార్టీలో ఉన్న వారికి గుర్తింపు ఇవ్వకుండా .. పార్టీ మారిన వారికే పదవులు దక్కాయని తీవ్ర వ్యాఖ్యలు చేశారు. ఇటీవల కోమటిరెడ్డి సోదరులకు పీసీసీ లో ఎటువంటి పదవులు దక్కలేదు. దీంతో ఆయన కాంగ్రెస్ అధిష్ఠానం పై తీవ్ర స్థాయిలో వ్యాఖ్యలు చేశారు. గాంధీ భవన్ మెట్లు ఎక్కబోనని స్పష్టం చేశారు. అయితే కోమటిరెడ్డి వ్యాఖ్యలపై అధిష్ఠానం సీరియస్ అయినట్టు సమాచారం.
కోమటిరెడ్డి మాట్లాడిన విషయాలపై వెంటనే నివేదిక సమర్పించాలని ఏఐసీసీ ప్రోగ్రామ్స్ ఇంప్లిమెంట్ కమిటీని హైకమాండ్ ఆదేశించిందట. కోమటిరెడ్డి మాట్లాడిన మాటలను ఇంగ్లిష్ లో అనువదించి పంపించాలని సూచించదంట. అయితే కోమటిరెడ్డి ఆవేశంలో మాట్లాడిఉంటారని ఆ పార్టీ నేతలు అంటున్నారు. ఆయన పదవిని ఆశించారని.. సహజంగానే కొంత అసంతృప్తితో మాట్లాడి ఉండొచ్చని వారు అంటున్నారు.మరోవైపు రేవంత్ అనుచరులు సైతం కోమటిరెడ్డి వ్యాఖ్యలపై పెద్దగా ప్రతిస్పందించలేదు. ఈ క్రమంలో అధిష్ఠానం ఎటువంటి నిర్ణయం తీసుకుంటుందో అని సర్వత్రా ఆసక్తి నెలకొన్నది.
Also Read