కాంగ్రెస్ మార్కు రాజకీయాలు చాలా విచిత్రంగా ఉంటాయి. అక్కడ పదవుల నియామకం అంత తొందరగా తెమలదు. అధిష్ఠానం అన్ని లెక్కలు వేసుకొని ఓ వ్యక్తిని నియమిస్తుంది. అందుకు నెలలు కాదు.. ఏళ్లు కూడా పట్టొచ్చు. అందుకు ఉదాహరణగా టీపీసీసీ నియామకాన్నే చెప్పుకోవచ్చు. గత అసెంబ్లీ ఎన్నికల అనంతరమే తాను పదవు నుంచి తప్పుకోబోతున్నట్టు ఉత్తమ్ కుమార్ రెడ్డి ప్రకటించారు. అయినప్పటికీ ఆయన్నే కొనసాగిస్తున్నారు తప్ప.. ఆ స్థానాన్ని భర్తీ చేయడం లేదు.
ఇక కాంగ్రెస్ అధిష్ఠానం తీరుతో ఆ పార్టీ కార్యకర్తలే విసిగిపోయారు. అందుకు అనేక కారణాలు ఉన్నాయి. అసంతృప్తులను బుజ్జగించలేక ఆ పార్టీ సతమవుతోంది. ఇదిలా ఉంటే టీపీసీసీ మహిళా అధ్యక్షురాలి పదవి కూడా ప్రస్తుతం ఖాళీగా ఉంది. ఎన్నో ఏళ్లుగా ఆ బాధ్యతను నిర్వర్తిస్తున్న నేరెళ్ల శారద.. ప్రస్తుతం సైలెంట్గా ఉన్నారు. దీంతో పీసీసీ మహిళా అధ్యక్షురాలిని నియమించాలన్న డిమాండ్ వచ్చింది. ఈ క్రమంలో ఈ పదవి కోసం సునీతా రావును ఎంపిక చేసింది అధిష్ఠానం.
ఈ పదవికోసం తెలంగాణకు చెందిన నలుగురు మహిళా నేతల పేర్లను పరిశీలించారు. చివరకు జాతీయ మహిళా అధ్యక్షురాలు సుశ్మిత దేవ్‌ సునీతారావును ఎంపిక చేశారు. సునీతారావు గతంలో టీపీసీసీ అధికార ప్రతినిధిగా పనిచేశారు. ఎన్ఎస్యూఐ, యూత్ కాంగ్రెస్లోనూ పనిచేశారు. ప్రస్తుతం ఆమె న్యాయవాదిగా కూడా కొనసాగుతున్నారు. దీంతో కాంగ్రెస్ హైకమాండ్ సునీతారావును ఎంపిక చేసింది. ఇక టీపీసీసీ అధ్యక్షుడిని ఎప్పుడు నియమిస్తారో? అన్న విషయం ఆసక్తికరంగా మారింది.
Also Read
తెలుగు ప్రజలంటే ఎంతో అభిమానం.. సేవ చేయాలనుకుంటున్నా : ఎంపీ, సినీనటి నవనీత్‌కౌర్‌