ప్రస్తుతం ఓటీటీ హవా నడుస్తున్న విషయం తెలిసిందే. ఓటీటీ దెబ్బతో చాలా మంది స్టార్స్ గా మారిపోయారు. అయితే ఇంకా చాలా మంది హీరోలు, నిర్మాతలకు థియేటర్ మోజు వీడలేదు. లాక్డౌన్ పూర్తయితే మళ్లీ థియేటర్లలో హవా నడుస్తుందని వాళ్ల అభిప్రాయం. అందుకే చాలా మంది స్టార్ హీరోలు ఓటీటీ వెబ్ సీరిస్లో నటించాలంటే భయపడుతున్నారు. అందుకు ప్రధాన కారణం తాము ఓటీటీ స్టార్లుగా మిగిలిపోతామేమోనని, తమ క్రేజ్ తగ్గిపోతుందని వాళ్లు అనుకోవడమే.. ఇదిలా ఉంటే ఫ్యామిలీ మ్యాన్, ఫ్యామిలీ మ్యాన్ -2 వెబ్సీరిస్తో మనోజ్ బాజ్పాయ్ ఓటీటీ స్టార్ అయ్యాడు.
అంతకు ముందే ఎన్నో ప్రయోగాత్మక పాత్రలు చేసిన మనోజ్.. ఓటీటీ ద్వారా వచ్చిన అవకాశాన్ని సద్వినియోగం చేసుకున్నాడు. ఇదిలా ఉంటే మనోజ్ బాజ్పాయ్ .. నటులకు పలు కీలక సూచనలు ఇచ్చాడు. ‘ది ఫ్యామిలీ మ్యాన్’ సీజన్ 1, సీజన్ 2తో మనోజ్ బాజ్పాయ్ ఫుల్ ఇమేజ్ను సొంతం చేసుకున్నాడు. టీనేజర్స్ సైతం అతడికి ఫ్యాన్స్గా మారారంటే అతడి క్రేజ్ ఏ రేంజ్లో పెరిగిపోయిందో అర్థం చేసుకోవచ్చు.
Also Read: పాన్ ఇండియా డైరెక్టర్ కు.. ఫస్ట్ టైం రిస్కు తప్పదేమో..
ఇటీవల ఓటీటీ గురించి ఆయన మాట్లాడుతూ.. ‘ ఓ నటుడిగా ఆవిష్కరించుకొనేందుకు డిజిటల్ మీడియా మంచి ప్లాట్ఫామ్. ఇక్కడ ఎటువంటి అడ్డంకులు, అడ్డుగోడలు, సెన్సార్ లాంటి సమస్యలు ఉండవు. ఎంత సున్నితమైన అంశాన్నైనా చెప్పవచ్చు. అయితే కేవలం కొత్తగా ఆలోచించేవాళ్లకు, కొత్తగా నటించేవాళ్లకు మాత్రమే ఇక్కడ స్కోప్ ఉంటుంది. పాత ఫార్ములాలు పట్టుకొస్తామంటే ఇక్కడ కుదరదు. అటువంటి వాళ్లు డిజిటల్ మీడియాకు రాకపోవడమే మేలు’ అంటూ చెప్పుకొచ్చారు. మనోజ్ బాజ్పాయ్.
Also Read: టాలీవుడ్ కి కోలీవుడ్ స్టార్ హీరోల క్యూ..!