లష్కరే తోయిబా ఉగ్రవాదికి చెందిన రహస్య స్థావరాన్ని ధ్వంసం చేశారు జమ్ముకశ్మీర్ పోలీసులు. పుల్వామాలోని పాంపోర్లో ఓ ఉగ్రవాదిని అరెస్టు చేశారు.ఉగ్రవాద స్థావరానికి సంబంధించి తమకు సమాచారం అందగానే అవంతిపొరా పోలీసులు అప్రమత్తమయ్యారని ఓ పోలీసు అధికారి తెలిపారు. ఛంధార గ్రామంలో ఈ స్థావరాన్ని గుర్తించినట్లు పేర్కొన్నారు.
ఉగ్రవాది స్థావరం నుంచి 26రౌండ్ల ఏకే-47 బుల్లెట్లు స్వాధీనం చేసుకున్నారు పోలీసులు. దుస్తులు, ఇతర వస్తువులు ఆ స్థావరంలో లభ్యమైనట్లు పేర్కొన్నారు.మరోవైపు.. జమ్ముకశ్మీర్లోని నియంత్రణ రేఖ వెంబడి మరోసారి కాల్పుల విరమణ ఒప్పందానికి తూట్లు పొడిచింది పాకిస్థాన్. తాజాగా రాజౌరీ, పుంఛ్, కతువా జిల్లాలో మోర్టార్ షెల్స్తో దాడికి దిగింది. పాక్ దుశ్చర్యకు భారత్ దీటుగా బదులిచ్చింది. మధ్యాహ్నం 3 గంటలకు పాక్ ఈ చర్యకు పాల్పడినట్లు భద్రతాదళ ప్రతినిధి పేర్కొన్నారు.