షార్ట్ ఫిలిమ్స్ ద్వారా బాగా మంచి పేరు తెచ్చుకుని టాలీవుడ్ లోకి ఎంట్రీ ఇచ్చింది చాందిని చౌదరి. ‘కేటుగాడు’ సినిమాతో హీరోయిన్ గా పరిచమై.. ఈ బ్యూటీ ‘బ్రహ్మోత్సవం’ సినిమాలో చిన్న పాత్రలో మెరిసింది. ఆ తర్వాత కూడా కొన్ని సినిమాలు చేసినప్పటికి ఆశించిన స్థాయి గుర్తింపు రాలేదు. తాజాగా ఈ బ్యూటీ సుహాస్ తో కలిసి.. ’కలర్ ఫోటో’ సినిమాలో చేసింది.
ఈ మూవీ 23న ఆహా ఓటీటీ ఫ్లాట్ ఫామ్ లో రిలీజ్ కానుంది. ఈ మూవీ ప్రమోషన్స్ లో భాగంగా కొన్ని విషయాలు చెప్పుకొచ్చింది చాందిని. ‘కలర్ ఫోటో’ కథలో తనకు పాత్ర నచ్చడం వల్ల సినిమా చేశానని.. సుహాస్ కొత్త హీరో అని ఆలోచించలేదని చెప్పింది. 1990 కాలం నేపథ్యంలో సాగే ఈ సినిమా వర్ణవివక్ష ప్రధానాంశంగా తెరకెక్కింది. అప్పటి ఆహార్యంతో స్వతంత్ర భావాలు కలిగిన అమ్మాయి పాత్రలో చాందిని కనిపించనుంది. సమాజంలో ఇప్పటికీ వర్ణవివక్ష ఉందని.. హీరోయిన్ గా మారిన తరువాత ‘నువ్వేమైనా పెద్ద కలర్ ఉన్నానని నుకుంటున్నావా..?’ అని ఓ వ్యక్తి చాందినిని హేళన చేశారట.
ఇంతకు మించి తనకు ఇండస్ట్రీలో ఎలాంటి చేదు అనుభవాలు ఎదురవ్వాలేదని తెలిపింది. రంగుని బట్టి ఎదుటివారి వ్యక్తిత్వాన్ని, స్థాయిని అంచనా వేయడం కరెక్ట్ కాదని తన అభిప్రాయాన్ని తెలిపింది. ప్రస్తుతం ఈ బ్యూటీ మూడు చిత్రాలలో నటిస్తోంది. సుధీర్ వర్మ నిర్మాణంలో ఓ సినిమా, అలానే ఓ లవ్ స్టోరీలో, విశ్వక్ సేన్ కి జంటగా ‘ప్రాజెక్ట్ గామి’ అనే మరో సినిమాలో నటిస్తోంది.
హీరో రాజశేఖర్ ఫ్యామిలీ మొత్తానికి కరోనా..!
‘రంగ్ దే’ చిత్రం లో ‘ కీర్తిసురేష్‘ ప్రచార చిత్రం విడుదల