‘ఆహా’లోకి హరీశ్ శంకర్..!

డైరెక్టర్​ హరీశ్​ శంకర్​.. మాస్​ సినిమాలు తెరకెక్కించడంలో ఎక్స్​పర్ట్​ అన్న విషయం తెలిసిందే. హరీశ్​ శంకర్​ డైరెక్టర్​ మాత్రమే కాక.. మంచి రచయిత కూడా.. ఎన్నో సినిమాలకు రచనా సహకారం కూడా అందించాడు. తెలుగు భాష అంటే ఎనలేని అభిమానం ఆయనకు.. గబ్బర్​సింగ్​ సినిమా సూపర్​ హిట్​ కావడంతో హరీశ్​ శంకర్​ పేరు మారుమోగిపోయింది. అంతకుముందు షాక్​, మిరపకాయ్​ వంటి సినిమాలకు డైరెక్టర్​ అయినా పెద్దగా పేరురాలేదు. గబ్బర్​ సింగ్​ తర్వాత ఎక్కువగా మెగా హీరోలతోనే సినిమాలు చేశాడు హరీశ్​ శంకర్​ .

సాయిధరమ్​ తేజ్ సుబ్రమణ్యం ఫర్ సేల్, అల్లు అర్జున్​తో దువ్వాడ జగన్నాథమ్​, వరుణ్​తేజ్​తో గద్దలకొండ గణేష్ తెరకెక్కించి హిట్స్​ కొట్టాడు హరీశ్ శంకర్​. బేసిక్​గా రైటర్​ అయిన హరీశ్​ శంకర్​.. పదునైన సంభాషణలు కూడా రాస్తుంటాడు. ఇప్పటివరకు గీతా ఆర్ట్స్ బ్యాన‌ర్ లో హరీశ్​ శంకర్​ ఒక్క మూవీ కూడా చేయలేదు. త్వరలో ప‌వ‌న్ క‌ళ్యాణ్ తో మైత్రీ మూవీ మేక‌ర్స్ కోసం చేయ‌బోతున్నాడు.

ఇదిలా ఉంటే హరీశ్​ శంకర్​ త్వరలో ఆహా కోసం ఓ వెబ్​ సీరిస్​ను నిర్మించబోతున్నాడట. ఈ వెబ్​సీరిస్​కు ప్రముఖ దర్శకుడు కథను అందిస్తున్నాడు. ఓ కొత్త దర్శకుడు డైరెక్ట్ చేయబోతున్నాడట. ఈ వెబ్​ సీరిస్​తో గీతా ఆర్ట్స్​లోకి అడుగుపెట్టబోతున్నాడు హరీశ్​ శంకర్​. పవన్ 28 వ సినిమాకు ఇంకా సమయం పట్టే అవకాశం ఉండటంతో హరీశ్ శంకర్ ఈ బాధ్యతలు చేపడుతున్నాడు.

Also Read

అప్పుడు తేజు సాహసం.. ఇప్పుడు చైతూ వంతు..!

తెలంగాణలో థియేటర్లు ఓపెన్..!

నారప్ప విడుదలకు సిద్ధం..!