ఇప్పటికా సరైన చికిత్స లేని కరోనాను అరికట్టాలంటే.. అనేక దేశాలు టీటీటీ (ట్రేసింగ్, టెస్టింగ్, ట్రీటింగ్) అనే విధానాన్నే అమలు చేస్తున్నాయి. కరోనా ఎంత ప్రమాదకరంగా వ్యాప్తి చెందుతుందో తెలిసిన విషయమే. కొంతమందిలో ఎటువంటి లక్షణాలు ఉండవు. కానీ వారి శరీరంలో కరోనా వైరస్ ఉంటుంది. ఇటువంటి వారు వారికి తెలియకుండానే వ్యాధిని వ్యాపింపజేస్తారు. దీంతో ప్రపంచంలోని పలు దేశాలు కరోనాను గుర్తించేందుకు పలు కొత్త ప్రక్రియలను తీసుకొస్తున్నాయి.
ప్రస్తుతం ఎయిర్పోర్ట్స్, షాపింగ్ మాల్స్లో టెంపరేచర్ చెక్ చేస్తున్న విషయం తెలిసిందే. అయితే లక్షణాలు బయటపడని వారి ఈ టెస్ట్కు చిక్కరు. దీంతో యూఏఈ రాజధాని అబుదాబిలో ప్రత్యేక ఏర్పాట్లు చేశారు. కరోనా పేషెంట్స్ను గుర్తంచేందుకు ఫేషియల్ స్కానర్లను ఉపయోగిస్తున్నారు. ఎలక్ట్రోమ్యాగ్నెటిక్ తరంగాల ద్వారా ఈ యంత్రం కరోనా రోగులను పసిగడుతోంది.
మనిషి శరీరంలో కరోనా వైరస్ ఉందా? లేదా? అన్న విషయాన్ని ఈ ప్రక్రియ ద్వారా తెలుసుకుంటున్నారు. ఒకవేళ ఎవరికైనా కరోనా వైరస్ ఉన్నట్టు తేలితే.. వారికి వెంటనే ఆర్టీపీసీఆర్ టెస్ట్ చేస్తున్నారు.
Also Read