ఆ ప్రాంతంలో తీవ్ర వర్షాలు.. ఎవరు కూడా బయటకు వెళ్లే పరిస్థితి లేదు. అయిన ఓ తండ్రి తన కుమార్తెను కాపాడుకునేందుకు ఎవరు చేయని సాహసం చేశాడు. అసలు విషయంలోకి వెళ్తే… నాలుగు రోజులగా ఆ కుమార్తెకు చాలా జ్వరం.. అయితే చికిత్స కోసం వెళ్లాలి అంటే ఆ ప్రాంతంలో ఉన్న పెద్ద కాలువ దాటాల్సి ఉంది. అయితే ఆ కాలువ ఇటివలే వచ్చిన వర్షాలతో ఉధృతంగా ప్రవహిస్తోంది.
ఎలాగైనా తన ఏడాది కుమార్తెను కాపాడుకోవాలి అని ఆ తండ్రి ఉధృతంగా ప్రవహిస్తున్న ఆ కాలువను ఎదిరించడానికి సిద్ధపడ్డాడు. సరిగ్గ బాహుబలి సినిమాలో చిత్రంలో రమ్యకృష్ణ పసికందును చేతితో పైకెత్తి ప్రవాహానికి ఎదురునిలిచిన గుర్తుకు తెచ్చే ఈ సంఘటన విశాఖ జిల్లా చింతపల్లి మండలం కుడుముసారిలో మంగళవారం చోటు చేసుకుంది. కుడుముసారి గ్రామానికి చెందిన పాంగి సత్తిబాబు ఏడాది కుమార్తెకు నాలుగు రోజులు అయిన జ్వరం తగ్గకపోవడంతో ఆ జ్వరం మరింత ఎక్కువైయింది.
కుమార్తెను చికిత్స కోసం తీసుకెళ్దామంటే బయట జోరుగా వర్షం. ఆ ప్రాంతంలో ఉన్న కాలువ ఉధృతంగా ప్రవహిస్తోంది. బంధువులంతా వద్దన్నా కుమార్తెకు కాపాడుకునేందుకు కాలువ దాటడానికే సత్తిబాబు సిద్ధమయ్యాడు. పసికందును చేతుల పెకైత్తుకొని చాలా కష్టంగా కాలువ దాటాడు. తర్వాత సుమారు 5 కిలోమీటర్ల మేర నడిచి మెయిన్‌రోడ్‌కు చేరుకొని లోతుగెడ్డ పీహెచ్‌సీకి తీసుకెళ్లాడు. చిన్నారికి చికిత్స చేసిన తర్వాత ఎలాంటి ప్రమాదం లేదని డాక్టర్లు చెప్పారు.
Related