- Advertisement -
బెంగాల్ లో బిజేపీ జాతీయ అధ్యక్షుడు జేపీ నడ్డా కాన్వాయ్పై రైళ్ల దాడి జరిగిన ఒక రోజు అనంతరం.. ఆ రాష్ట్ర ముఖ్య కార్యదర్శి, డీజీపీకి కేంద్ర హోంశాఖ సమన్లు జారీ చేసింది. ఈ నెల 14న తమ ముందు హాజరుకావాలని స్పష్టం చేసింది. ఘటనకు గల కారణాలతో పాటు రాష్ట్రంలో శాంతి భద్రతలపై హోంశాఖ ప్రశ్నలు సంధించే అవకాశముంది.
గురువారం.. జేపీ నడ్డా దక్షిణ 24 పరగణాల జిల్లాలో పర్యటించారు. ఈ క్రమంలో ఆయన కాన్వాయ్పై గుర్తుతెలియన వ్యక్తులు రాళ్ల దాడి జరిపారు. ఈ ఘటనలో నడ్డా సురక్షితంగా బయటపడగా.. పలువురు బిజేపి నేతలు గాయపడ్డారు.
రాళ్ల దాడి ఘటనపై కేంద్ర హోంశాఖకు శుక్రవారం నివేదిక అందించారు బెంగాల్ గవర్నర్ జగ్దీప్ ధనకర్. నివేదికను పరిశీలిస్తున్నట్టు అధికారులు తెలిపారు. బెంగాల్లో శాంతిభద్రతల పరిస్థితిపై ఆ నివేదికలో గవర్నర్ సవివరంగా విశ్లేషించినట్టు సమాచారం.