కూటమి ప్రభుత్వం ప్రజా సమస్యలపై దృష్టి పెట్టడం లేదని మాజీ మంత్రి ఆర్కే రోజా తీవ్ర విమర్శలు చేశారు. రాష్ట్రంలో ప్రజలు ఎదుర్కొంటున్న సమస్యలు పెరుగుతున్నప్పటికీ ప్రభుత్వం వాటిని పట్టించుకోవడం లేదని ఆమె ఆరోపించారు. ముఖ్యంగా రైతులు, మహిళలు, ఉద్యోగులు ఎదుర్కొంటున్న ఇబ్బందులపై ప్రభుత్వం స్పందించడం లేదని అన్నారు.
తిరుమల టీటీడీ లడ్డూ విషయంలో ఎటువంటి కల్తీ జరగలేదని సుప్రీంకోర్టు మరియు సిట్ స్పష్టంగా తేల్చి చెప్పాయని రోజా పేర్కొన్నారు. అయినప్పటికీ ఈ అంశాన్ని రాజకీయంగా ఉపయోగించుకునేందుకు కొందరు ప్రయత్నిస్తున్నారని ఆమె విమర్శించారు. తిరుమల వంటి పవిత్రమైన స్థలాన్ని రాజకీయాలకు వేదికగా మార్చడం సరైంది కాదని అన్నారు.
మహిళ హోం మంత్రి అనిత మాట్లాడుతున్న తీరు కూడా తగిన విధంగా లేదని రోజా వ్యాఖ్యానించారు. ఆమె పదవికి తగిన విధంగా మాట్లాడాలని సూచించారు. అదేవిధంగా శాసన మండలి చైర్మన్ కొయ్యే మోషన్ రాజు విషయంలో కూటమి నాయకులు కులం, మతం ప్రస్తావన తీసుకురావడం కూడా తప్పు అని ఆమె అన్నారు. రాజకీయాల్లో వ్యక్తిగత దూషణలు, కులం-మతం ప్రస్తావనలు చేయడం ప్రజాస్వామ్యానికి మంచిది కాదని వ్యాఖ్యానించారు.
అచ్చెన్నాయుడు మాట్లాడుతున్న తీరు కూడా సరిగా లేదని రోజా విమర్శించారు. అచ్చెన్నాయుడు అడ్డంగా గాడి.. పెరిగాడు?….ఆయన ఏమి మాట్లాడుతున్నారో అర్థం కావడం లేదని వ్యాఖ్యానించారు. ప్రజా సమస్యలపై దృష్టి పెట్టకుండా పరస్పరం విమర్శలు చేసుకోవడం వల్ల రాష్ట్రానికి ప్రయోజనం ఉండదని ఆమె అన్నారు.