తెలుగు ఇండస్ట్రీలో జాతీయ స్థాయి నటుడుగా పేరు తెచ్చుకున్న హీరో ప్రభాస్. దర్శకధీరుడు రాజమౌళి తెరకెక్కించిన ‘బాహుబలి’ సీరీస్ తో ప్రభాస్ జాతీయ స్థాయి నటుడిగా పేరు తెచ్చుకున్నారు. ఆ తర్వాత ‘సాహో’ చిత్రంతో బాలీవుడ్ లో సత్తా చాటినా.. ఇతర భాషల్లో నిరాశ పరిచాడు. తాజాగా రాధాకృష్ణ దర్శకత్వంలో పూజా హెగ్డే హీరోయిన్ గా ‘రాధేశ్యామ్’ మూవీ లో నటిస్తున్నాడు. ఇదిలా ఉంటే ప్రభాస్ హీరోగా తెరకెక్కనున్న నూతన చిత్రం ఆదిపురుష్.
ఈ సినిమా చిత్రీకరణ ఎప్పుడు మొదలవుతుందా అని అభిమానులు ఎదురు చూస్తున్నారు. ఈ చిత్రంలో రియాల్టీ సన్నివేశాల కన్నా అంతా గ్రాఫిక్స్ మాయాజాలం ఉండబోతుందట. దాంతో రెండు ప్రముఖ వీఎఫ్ఎక్స్ కంపెనీలు ఆదిపురుష్ కోసం ఇప్పటికే పనులు పనులు స్టార్ట్ చేశాయని వార్తలు వినిపిస్తున్నాయి.
ఇందులో ప్రభాస్ రాముడిగా, సైఫ్ అలీ ఖాన్ రావణుడి పాత్రలో కనిపించనున్నారు. ఒక విజువల్స్ వండర్‌గా తీర్చిదిద్దాలని ఓం రౌత్ ప్రయత్నిస్తున్నారు. ఇక నటీనటులతో షూటింగ్ ఎప్పుడు ప్రారంభం కానుందనే దానిపై త్వరలో క్లారిటీ రానుంది.