బుల్లి తెరపై అలరించిన హాట్ యాంకర్స్ అనసూయ భరద్వాజ మరియు రష్మీ గౌతమ్ లు ఇప్పటికే వెండి తెరపై సందడి చేసిన సంగతి తెలిసిందే. ఇక ఇప్పుడు మరో యాంకర్ సిల్వర్ స్క్రీన్ పై అలరించేందుకు సిద్దమైనట్టు వార్తలు వస్తున్నాయి.
మరి ఆ భామ మరెవరో కాదు పాపులర్ టీవీ షోస్ లో తన మాటలు, ఆటలతో అలరించిన లాస్య. బుల్లి తెరపై ఈ యాంకర్ అంటే తెలియని వారు ఉండకపోవచ్చు. తక్కువ టైంలో మంచి క్రేజ్ తెచ్చుకున్న లాస్య.. రాజా మీరు కేక అనే చిత్రంతో వెండితెరకు పరిచయం కానుందని అంటున్నారు. ఈ చిత్రంలో లాస్యది చాలా క్రూషియల్ రోల్ అని తెలుస్తోంది. కృష్ణ కిషోర్ దర్శకత్వంలో తెరకెక్కిన రాజా మీరు కేక చిత్రంలో రేవంత్, నోయల్, హేమంత్, తారకరత్న మరియు శోభిత ప్రధాన పాత్రలలో కనిపించనున్నారు.
ఈ చిత్రం ఓ థ్రిల్లింగ్ కాన్సెప్ట్ తో రూపొందగా ఓ ముగ్గురు వ్యక్తుల కిడ్నాప్ నేపథ్యంలో కథ సాగనుందని అంటున్నారు. సురేష్ ప్రొడక్షన్స్ సమర్పిస్తోన్న ఈ చిత్రాన్ని ఆర్కే స్టూడియోస్ పై ఎం.రాజ్ కుమార్ నిర్మించాడు. ఈ చిత్ర షూటింగ్ ఇప్పటికే పూర్తి కాగా పోస్ట్ ప్రొడక్షన్ శరవేగంగా జరుగుతోంది. జనవరి చివరి వారంలో లేదంటే ఫిబ్రవరి మొదటి వారంలో ఈ చిత్రాన్ని రిలీజ్ చేయాలని మేకర్స్ భావిస్తున్నారు.
Related