ఓ సాధారణ నటుడి నుంచి బడా నిర్మాతగా ఎదిగాడు బండ్ల గణేశ్. ఇక బండ్ల గణేశ్ జీవితంలో వివాదాలు కూడా తక్కువేం లేవు. నిత్యం ఏదో ఒక వివాదంలో నలుగుతూ ఉంటాడు. గత ఏడాది రాజకీయాల్లోకి అడుగుపెట్టి సంచలనం సృష్టించాడు. కొంతకాలానికి అతడు స్థాపించిన పరమేశ్వర ఆర్ట్స్ బ్యానర్ నుంచి పెద్దగా సినిమాలు రావడం లేదు. అయితే త్వరలోనే పవన్ కల్యాణ్తో ఓ సినిమా చేయబోతున్నట్టు ఇప్పటికే ప్రకటించాడు బండ్ల గణేశ్.
అంతేకాక బండ్ల గణేశ్ పవన్ కల్యాణ్కు వీరాభిమాని. ఆయన పేరు చెబితేనే బండ్ల గణేశ్ ఊగిపోతూ ఉంటాడు. ఎక్కడ అవకాశం దొరికినా పవన్ కల్యాణ్ను ఆకాశానికి ఎత్తేస్తుంటాడు. ఇదిలా ఉంటే తాజాగా మరోసారి వార్తల్లో నిలిచాడు బండ్ల గణేశ్. ఈ సారి మాత్రం.. వివాదం సృష్టించి కాదు.. ఓ మంచి పని చేసి.. ప్రశంసలు పొందాడు.
ఇటీవల ఓ నెటిజన్ ట్విట్టర్లో ఓ పోస్ట్ పెట్టాడు. తన తల్లి బ్రెస్ట్ క్యాన్సర్తో బాధపడుతున్నదని అందుకు రూ. 20 లక్షలు అవసరం ఉందని.. కాబట్టి సాయం చేయాలంటూ కోరాడు.ఈ పోస్ట్ చూసిన బండ్ల గణేశ్ వెంటనే స్పందించాడు. అతడి గూగుల్ పే నంబర్ తీసుకున్నాడు. తప్పకుండా అవసరమైన సాయం చేస్తానంటూ చెప్పాడు. దీంతో నెటిజన్లు బండ్ల గణేశ్ను ప్రశంసిస్తున్నారు.
Also Read