కమెడియన్గా తెలుగు ప్రేక్షకులను ఎంతో ఆకట్టుకున్నాడు సునీల్. కేవలం అతడి కామెడీతోనే ఆడేసిన సినిమాలు కూడా ఉన్నాయి. కానీ కమెడియన్గా తన కెరీర్ పీక్లో ఉన్నప్పుడు సునీల్కు హీరోగా చాన్స్ వచ్చింది. దీంతో అందాల రాముడు, మర్యాద రామన్న సినిమాల్లో హీరోగా కనిపించి మెప్పించాడు. ఆ తర్వాత చాలా సినిమాల్లో హీరోగా కనిపించినప్పటికీ పెద్దగా ఆడలేదు. హీరోగా కంటే కమెడియన్గా నే బెటర్ అనుకొని .. మళ్లీ క్యారెక్టర్లే చేస్తున్నాడు సునీల్.
అరవింద సమేత, అల వైకుంఠపురంలో వంటి చిత్రాల్లో కామెడీ రోల్స్ చేశాడు. ఇదిలా ఉంటే పాన్ ఇండియా మూవీగా తెరకెక్కుతున్న పుష్పలో సునీల్ విలన్గా చేయబోతున్నట్టు సమాచారం. ఇప్పటికే ఈ సినిమాలో విలన్గా మలయాళ నటుడు పహద్ ఫాజిల్ ఎంపికయ్యాడు. మరో పాత్రకు సునీల్ సెలెక్టయ్యాడని టాక్. కలర్ ఫొటో, డిస్కో రాజా వంటి చిత్రాల్లో సునీల్ విలన్గా కనిపించి మెప్పించాడు. దీంతో పుష్పలో సునీల్కు విలన్గా అవకాశం దక్కింది.
మరోవైపు పుష్ప సినిమాపై భారీ అంచనాలు నెలకొన్నాయి. సుకుమార్ దర్శకత్వంలో తెరకెక్కుతున్న ఈ మూవీ రెండు పార్టులుగా రాబోతున్నది. అల్లు అర్జున్ మాస్ లుక్లో కనిపించబోతున్నాడు. ఓ లారీ డ్రైవర్ పాత్ర వేశాడు. ఇక రష్మిక మందన్న గిరిజన యువతిగా కనిపించబోతున్నది. దీంతో ఈ సినిమాపై భారీ అంచనాలు నెలకొన్నాయి. ఇక సునీల్ ఎలా ఆకట్టుకుంటాడో వేచి చూడాలి.
Also Read
బిగ్బాస్ 5 డేట్ ఫిక్స్.. కంటెస్టెంట్లు ఎవరంటే?