బిగ్బాస్ తెలుగులో ఎంతో ప్రేక్షకాదరణ ఉన్న ఓ గేమ్ షో. ఈ షోలో కంటెస్టెంట్లుగా ఎవరు పాల్గొనబోతున్నారు? హోస్ట్ ఎవరు? ఏ వారం ఎవరు? ఎలిమినేట్ కాబోతున్నారు? తదితర విషయాలపై ప్రేక్షకుల్లో ఆదరణ ఉంటుంది. ఇక బిగ్బాస్ షోలో టీఆర్పీ రేటింగ్లు పెంచుకొనేందుకు చేసే పిచ్చి పిచ్చి గేమ్ ల వల్ల యువత, చిన్నపిల్లలు చెడిపోతున్నారన్న వాదన కూడా ఉంది. ఇదిలా ఉంటే తెలుగులో ఇప్పటికే బిగ్ బాస్ నాలుగు సీజన్లు పూర్తయ్యాయి. దాదాపు అన్నీ సక్సెస్ అయ్యాయి.
మొదటి షోకు యంగ్ టైగర్ ఎన్టీఆర్ హోస్ట్గా వ్యవహరించగా.. రెండో సీజన్లో నానీ హోస్ట్గా వ్యవహరించాడు. ఇక మూడు, నాలుగు సీజన్ల నాగార్జున అక్కినేని హోస్ట్గా వ్యవహరించాడు. ఐదో సీజన్కు ఎవరు? హోస్ట్గా వ్యవహరంచబోతున్నారు? అన్న విషయంపై ఆసక్తి నెలకొన్నది. మళ్లీ నాగార్జునే వస్తాడన్న వార్తలు వచ్చాయి. నాగార్జున విదేశాల్లో షూటింగ్లో బిజీగా ఉండటం వల్ల.. రానా హోస్ట్ గా రాబోతున్నాడని వార్తలు వచ్చాయి. కానీ ఇందుకు సంబంధించిన అధికారిక సమాచారం ఏదీ రాలేదు.
ఇదిలా ఉంటే తాజాగా మా టీవీలో బిగ్బాస్ షోకు సంబంధించిన ప్రోమో ఒకటి రిలీజ్ అయ్యింది. సెప్టెంబర్ 5 నుంచి ఈ షో ప్రారంభం కాబోతున్నదని సమాచారం. ఈ సారి కంటెస్టెంట్లుగా హీరోయిన్ ఇషా చావ్లా, యాంకర్ వర్షిణి, యాంకర్ రవి, ప్రముఖ నటి సురేఖా వాణి, బుల్లితెర నటులు నవ్య స్వామి, సిద్ధార్థ్ వర్మ, యాంకర్ లోబో, సింగర్ మంగ్లీ, టీవీ 9 యాంకర్ ప్రత్యూష, టిక్టాక్ స్టార్ దుర్గారావు, యూట్యూబ్ వివాదాస్పద యాంకర్ శివ, యూట్యూబ్ నటుడు షుణ్ముఖ్ జస్వంత్ కంటెస్టెంట్లుగా రాబోతున్నారని టాక్. ఇందులో ఎంత నిజముందో తెలియాలంటే కొన్ని రోజులు వేచి చూడాల్సిందే.
Also Read
తగ్గేదెలా అంటున్న వెంకీ మామ..!