ఆర్ఆర్ఆర్ మూవీ కోసం ఇటు మెగా ఫ్యాన్స్.. అటు తారక్ అభిమానులు వేయి కళ్లతో ఎదురుచూస్తున్నారు. కరోనా లాక్డౌన్ ఎఫెక్ట్తో ఈ సినిమా షూటింగ్కు పలు అంతరాయాలు ఏర్పడిన విషయం తెలిసిందే. రాజమౌళి సినిమా అంటేనే ఎంతో ఆలస్యం అవుతూ ఉంటుంది. ఏళ్లకు ఏళ్లు సినీ జనాలకు ఎదురుచూపులు తప్పవు. రిలీజ్ అయ్యాక ఫ్యాన్స్ కు నిరాశ మాత్రం ఉండదు. ఇటు అభిమానులకు వినోదం.. అటు నిర్మాతలకు కాసుల వర్షం కురుస్తూ ఉంటుంది.
ఇక హీరోల ఇమేజ్ సైతం ఆకాశాన్ని అందుకుంటుంది. అందుకే రాజమౌళి సినిమాలంటే అంత క్రేజ్. ఇదిలా ఉంటే చారిత్రక వీరులు.. కుమ్రం భీం, అల్లూరి సీతారామరాజు జీవిత చరిత్ర ఆధారంగా ఆర్ఆర్ఆర్ తెరకెక్కుతున్న విషయం తెలిసిందే. అల్లూరిగా చరణ్.. కుమ్రంభీంగా తారక్ నటిస్తున్నారు. ఇప్పటికే విడుదలైన టీజర్లు అభిమానులను మెప్పించాయి. షూటింగ్ కూడా 70 శాతం పూర్తయ్యింది. కానీ.. కరోనా ఎఫెక్ట్తో చిత్రీకరణ ఆగిపోయింది. అయితే ఈ సినిమా షూటింగ్ ఎప్పటి నుంచి ప్రారంభమతుంది? ఎప్పటికీ పూర్తవుతుంది? మూవీ ఎప్పుడు రిలీజ్ అవుతుంది? అని ఫ్యాన్స్ ఎదురుచూస్తున్నారు.
తాజా సమాచారం ప్రకారం.. జూలై 1 నుంచి “ఆర్ఆర్ఆర్” షూటింగ్ ను తిరిగి ప్రారంభించబోతున్నట్టు సమాచారం. అక్టోబర్ 13న ఈ సినిమాను విడుదల చేసేందుకు మేకర్స్ సన్నాహాలు చేస్తున్నారు. కానీ ఇప్పట్లో అది సాధ్యమయ్యే పరిస్థితి కనిపించడం లేదు. విడుదల తేదీపై క్లారిటీ లేదు. బహుశా వచ్చే సమ్మర్ సీజన్ లోనే ఈ సినిమా విడుదల ఉండొచ్చని టాక్. కానీ షూటింగ్ మాత్రం త్వరలో ప్రారంభం కాబోతున్నట్టు సమాచారం.
Also Read
తారక్ మూవీలో విజయ్ సేతుపతి..! ఏ క్యారెక్టర్ అంటే?