కరోనా మొదటి వేవ్ తర్వాత అంతా ఈ వ్యాధిని లైట్ తీసుకున్నారు. విచ్చలవిడిగా తిరిగారు. పార్టీలు, వేడుకలు, టూర్లు అంటూ చక్కర్లు కొట్టారు. ఇక చాలామంది మాస్కులు పెట్టుకోవడం, భౌతికదూరం పాటించడం కూడా మరిచిపోయారు. దీంతో కరోనా సెకండ్వేవ్ ముంచుకొచ్చింది. ఎంతో మంది ప్రాణాలు కోల్పోయారు. ఇక దేశవ్యాప్తంగా ఆక్సిజన్ కొరత ఏర్పడింది. చాలా ఆస్పత్రుల్లో బెడ్లు కూడా అందుబాటులో లేకుండా పోయాయి. ప్రభుత్వ లెక్కలు ఎలా ఉన్నా.. కరోనాతో మరణించిన వారి సంఖ్య గణనీయంగానే ఉంది.
ఇదిలా ఉంటే తాజాగా థర్డ్వేవ్ ముప్పు విషయంలో నిపుణులు హెచ్చరికలు జారీచేస్తున్నారు. ప్రజలు జాగ్రత్తగా లేకపోతే ముప్పు పొంచి ఉందని వార్నింగ్ ఇస్తున్నారు. తాజాగా కొన్ని వేరియంట్లతో థర్డ్వేవ్ ముప్పు పొంచి ఉందని శాస్త్రవేత్తలు అంటున్నారు. ఆ వేరియంట్లు ఏవో ఇప్పుడు తెలుసుకుందాం.. ల్యాంబ్డా వేరియంట్(Lambda Variant) థర్డ్వేవ్కు కారణమవుతుందని శాస్త్రవేత్తలు అంటున్నారు. ఇప్పటికే 30 దేశాల్లో ఈ వేరియంట్ వెలుగు చూసింది. కెనడాలో 27 కేసుల్ని గుర్తించారు.
కోవిడ్ 19 కప్పా వేరియంట్(Kappa variant) కూడా మనదేశంలో అక్కడక్కడా కనిపిస్తున్నది. ఇది డెల్టా వేరియంట్ లాంటిదేనని శాస్త్రవేత్తలు హెచ్చరిస్తున్నారు. అయితే డెల్టా వేరియంట్తో పోల్చినప్పుడు తీవ్రత తక్కువ స్థాయిలో ఉంటుందని అంటున్నారు. ఇలా పలు వేరియంట్ల వల్ల థర్డ్వేవ్ ముప్పు పొంచి ఉందని వాదనలు వినిపిస్తున్నాయి.