పీఎంసీ కుంభకోణంలో ఈడీ ముందుకి వర్షా రౌత్..!

పీఎంసీ బ్యాంకు కుంభకోణం విచారణ కోసం శివసేన సీనియర్​ నేత సంజయ్​ రౌత్​ సతీమణి వర్షా రౌత్ ఈడీ ముందు హాజరయ్యారు. ప్రవీణ్​ రౌత్​ ఖాతా​ నుంచి రూ.55లక్షలు వర్షా రౌత్ అకౌంట్​కు బదిలీ కావటంపై ఈడీ అధికారులు ప్రశ్నించారు.

జనవరి 5న వర్ష ఈడీ ముందు హాజరు కావాల్సి ఉండగా ఒక్కరోజు ముందే హాజరయ్యారు. వర్షా రౌత్​కు గతంలోనూ ఈడీ రెండు సార్లు సమన్లు జారీ చేసింది. అయితే అనారోగ్య కారణాలు చూపి ఆమె హాజరు కాలేదు.

గతంలో పీఎంసీ బ్యాంకు నుంచి ప్రవీణ్​ రౌత్​ రూ.95కోట్ల రుణం పొందారు. దాదాపు రూ. కోటీ 60 లక్షలు ప్రవీణ్​ రౌత్​ ఖాతా నుంచి అతని భార్య మాధురీ రౌత్ ఖాతాకు బదిలీ అయ్యాయి. రూ.55లక్షలు వడ్డీ కింద రెండు విడతల్లో వర్షా రౌత్​కు ఇచ్చినట్లు ఈడీ విచారణలో తేలింది. 2010లో రూ.50లక్షలు, 2011లో మరో 5లక్షలు వర్షా రౌత్​ అకౌంట్​కు బదిలీ కావటంపై విచారించారు. ఈ డబ్బును తూర్పు దాదర్ ప్రాంతంలో ఓ ఫ్లాట్​ కొనేందుకు వినియోగించారన్న దానిపైనా ఈడీ విచారణ జరిపింది.