సాయి పల్లవి గురించి మీకు తెలియని నిజాలు !

తెరపై పాత్రలో ఒదిగిపోయి చేయగల నటి సాయి పల్లవి. ఆమె ఫిదా సినిమాలో భానుమతి ఎంత అద్భుతంగా నటించిందో అందరికి తెలిసిందే. ఒకే ఒక చిత్రంతో టాలీవుడ్ టాప్ హీరోయిన్స్ కి గట్టిపోటీ ఇచ్చింది. ఈ ముద్దుగుమ్మ గురించి చాలా మంది చాలా విషయాలు తెలియదు. అవేంటో ఇప్పుడు చూద్దాం.

• సాయి పల్లవి హీరోయిన్ మాత్రమే కాదు డాక్టర్ కూడా. ఆమె జార్జియా యూనివర్సిటీ నుంచి డాక్టర్ డిగ్రీ పూర్తి చేశారు.
• సాయి పల్లవి మలయాళం ప్రేమమ్ సినిమాలో డ్యాన్స్ తో అదరగొట్టింది. ఆమె ఎక్కడా శిక్షణ తీసుకోలేదు. ఐశ్వర్యారాయ్, మాధురి దీక్షిత్ డ్యాన్స్ వీడియోలను చూసి నేర్చుకుంది.
• కేరళలో పుట్టకపోయినా, కేరళ వాసుల పెద్ద పండుగ ఓనం అంటే సాయి పల్లవికి చాలా ఇష్టం. ఆ ఇష్టంతోనే ముగ్గులు వేయడం నేర్చుకుంది.
• సాయి పల్లవికి అతి పెద్ద గోల్ కార్డియాలజిస్ట్ కావడం. అందుకోసం చాలా కష్టపడుతోంది. సినిమాలను కొన్ని మాత్రమే ఎంచుకొని స్టడీపై దృష్టిపెడుతోంది.
• ప్రేమమ్ సినిమాలో హీరోయిన్ గా పరిచయం కాకముందు చిన్న పాత్ర చేసింది. తమిళ చిత్రం ధామ్ ధూమ్ లో కంగనా రనౌత్ కి స్నేహితురాలిగా నటించింది.
• సాయి పల్లవి హీరోయిన్ కాకముందు వాణిజ్య ప్రకటనలు చేసేది. అందులో ఆమెను చూసిన అల్ఫోన్స్ పుతరన్ ( మలయాళం ప్రేమమ్ డైరక్టర్ ) యాడ్స్ ఆపేయమని గట్టిగా చెప్పాడు. హీరోయిన్ గా అవకాశం ఇచ్చాడు.
• తన స్కిన్ టోన్ బాగుండదని సాయి పల్లవి కొంత బెరుకుగా ఉంటుంది. కానీ డైరక్టర్స్ ఇచ్చిన ధైర్యంతోనే పూర్తి ఆత్మవిశ్వాసంతో కెమెరా ముందుకు వస్తానని ఆమె ఓ ఇంటర్వ్యూ లో వెల్లడించింది.
• సాధారణ అమ్మాయిల్లాగే అల్ఫోన్స్ పుతరన్ ఫోన్ చేస్తుంటే.. ఎవరో అబ్బాయి ప్రపోజ్ చేయడానికి వెంటపడుతున్నాడని అతన్ని ఇగ్నోర్ చేసిందంట. తర్వాత తన డేట్స్ కోసం అని తెలుసుకొని బాధపడిందట.