- Advertisement -
అహ్మదాబాద్ వేదికగా ఇంగ్లాండ్తో జరుగుతున్న నాలుగో టెస్టులో టీమ్ఇండియా యువ బ్యాట్స్మన్ రిషభ్ పంత్ శతకం చేశాడు. 113 బంతుల్లో 13 ఫోర్లు, 2 సిక్సర్లతో ఆకట్టుకునే ప్రదర్శన చేశాడు. సిక్సర్తో శతకం సాధించి ఆ వెంటనే అండర్సన్ బౌలింగ్లో రూట్కు క్యాచ్ ఇచ్చి వెనుదిరిగాడు.
సొంతగడ్డపై పంత్ సాధించిన తొలి శతకం ఇదే కాగా.. టెస్టుల్లో ఇది మూడో సెంచరీ. ఈ ఘనతతో 2021లో టెస్టుల్లో అత్యధిక పరుగులు చేసిన బ్యాట్స్మన్గా పంత్ రెండో స్థానంలో నిలిచాడు. ఇంగ్లాండ్ ఆటగాడు జో రూట్ 764 పరుగులతో ముందంజలో ఉన్నాడు.భారత వికెట్ కీపర్లలో అత్యధిక టెస్టు సెంచరీలు చేసిన మూడో ఆటగాడిగా నిలిచాడు పంత్.ధోనీ 144 ఇన్నింగ్స్ల్లో 6, సాహా 50 ఇన్నింగ్స్ల్లో 3 శతకాలు చేశారు. పంత్ ఇప్పుడు 33 ఇన్నింగ్సుల్లోనే 3 సెంచరీలతో అదరగొట్టాడు.
మండుతున్న ఏపి.. ఒక్క ప్లాంట్ ఎన్నో ఆశలు..!