సాధారణంగా హాలీవుడ్ సినిమాలు తెలుగులో డబ్ అవుతూ ఉంటాయి. కానీ తొలిసారిగా ఓ తెలుగు సినిమా ఇంగ్లీష్లోకి డబ్ అయి అక్కడ కూడా ప్రశంసలు దక్కించుకున్నది. ఇటీవల కాలంలో బాహుబలి లాంటి సినిమాలు ఇంగ్లీష్లోకి డబ్ అయ్యాయి. అయితే 1990 వ సంవత్సరంలో ఓ తెలుగు సినిమా ఇంగ్లీష్లో డబ్ అయ్యింది. అదే చిరంజీవి నటించిన కొదమసింహం..
తెలుగు నుంచి ఇంగ్లీష్లోకి అనువదించబడ్డ తొలి చిత్రంగా ఈ సినిమా రికార్డులకెక్కింది. ఈ సినిమా చాలా విభిన్నంగా తెరకెక్కించారు. అంటే అప్పటికే తెలుగు సినిమా అంటే ఇలా ఉండాలి అనే ఓ లెక్క ఉండేది. ఆరుపాటలు, ఓ స్పెషల్ సాంగ్, క్లైమాక్స్లో భారీ ఫైట్ చెల్లి, తల్లి సెంటిమెంట్.. కానీ కొదమ సింహం కాస్త భిన్నంగా ఉంటుంది. ఇందులో హీరో చిరంజీవి ఓ కౌబాయ్గా నటించాడు. ఇక సినిమా మేకింగ్ అంతా ఎడారి ప్రాంతంలో కాస్త విభిన్నంగా ఉంటుంది.
మోహన్బాబు కూడా ఓ విచిత్రమైన వేషధారణలో కామెడీ విలన్గా నటించాడు. రమా ఫిల్మ్స్ బ్యానర్ పై కె.మురళీమోహనరావు దర్శకత్వంలో చిరంజీవి , సోనమ్ , రాధ, మోహన్ బాబు ప్రధాన పాత్రలో ఈ మూవీ తెరకెక్కింది. 1990 ఆగస్ట్ 9 న విడుదలై మంచి విజయం నమోదు చేసింది. ఇక ఇంగ్లీష్లో డబ్ అయి అక్కడ కూడా మంచి పేరే తెచ్చుకుంది.
Also Read
పాన్ ఇండియా వైపు దూసుకెళ్తున్నామా.. సొంత ఇలాకా అప్పగిస్తున్నామా?
థియేటర్లు ఎప్పుడు ఓపెన్ చేస్తారు..? ఏ సినిమా విడుదల ఎప్పుడు..?