గత ఏడాది అనీల్ రావిపూడి దర్శకత్వంలో సరిలేరు నీకెవ్వరు చిత్రంతో సూపర్ హిట్ అందుకున్నారు సూపర్ స్టార్ మహేష్ బాబు. ప్రస్తుతం పరుశరామ్ దర్శకత్వంలో ‘సర్కారు వారి పాట’ చిత్రంలో నటిస్తున్నారు. ఈ చిత్రం పూర్తయిన తర్వాత మరోసారి మాటల మాంత్రికుడు త్రివిక్రమ్ తో ఓ చిత్రంలో నటించబోతున్నారు. ఇందుకు సంబంధించిన అధికారిక ప్రకటన కూడా వచ్చింది. కృష్ణ పుట్టినరోజు సందర్భాన్ని పురస్కరించుకుని, ఈ సినిమాను ఈ నెల 31వ తేదీన లాంఛనంగా ప్రారంభించనున్నారు.
‘అతడు’ ‘ఖలేజా’ వంటి ఫ్యాన్స్ కలకాలం గుర్తు పెట్టుకునే సినిమాల చేసిన తర్వాత వీరిద్దరి కలయికలో తెరకెక్కనున్న ఈ ప్రాజెక్ట్ పై మంచి అంచనాలే ఉన్నాయి. ఈ సినిమాకి ‘పార్థు’ అనే టైటిల్ ను పరిశీలిస్తున్నట్టుగా వార్తలు వచ్చాయి. ఈ సినిమాలో మహేష్ బాబు ఓ డాన్ కొడుకుగా కనిపించబోతున్నాడట. అలాగే ఆ డాన్ పాత్రను అనీల్ కపూర్ చేయబోతున్నాడని సమాచారం.
ఈ మూవీ తండ్రి కొడుకుల మధ్య జరిగే యుద్దం అని అంటున్నారు. ఇందులో మహేష్ మిడిల్ క్లాస్ కుర్రాడుగా కనపడతాడని చెబుతున్నారు. ఈ సినిమాలో ఇద్దరు హీరోయిన్స్ నటించబో తున్నట్లు తెలిసింది. అందులో ఒక హీరోయిన్‌గా కియారా అద్వానీ మరొక హీరోయిన్‌గా పూజ హెగ్డేని తీసుకోవాలనుకుంటున్నారట. సూర్యదేవర రాధాకృష్ణ (చినబాబు) నిర్మిస్తున్నారు.