కరోనా ఎఫెక్ట్తో ప్రపంచ దేశాలన్నీ మాస్కులు ధరించడాన్ని తప్పనిసరి చేసిన విషయం తెలిసిందే. ప్రతి ఒక్కరికి మాస్కు ఓ నిత్యావసరంగా మారిపోయింది. ప్రతి ఇంట్లోనూ ఇప్పుడు మాస్కులు ఉంటున్నాయి. ఇక ఆసక్తి ఉన్నవాళ్లు మ్యాచింగ్ మాస్కులు కూడా తయారుచేయించుకుంటున్నారు అది వేరే విషయం. కానీ ఇప్పుడు ఒక చోట మాస్కు పెట్టుకుంటే ఫైన్ విధిస్తున్నారు. ఆశ్చర్యంగా ఉన్నా ఇదే నిజం.
అమెరికాలో కరోనా లాక్డౌన్ ఆంక్షలు క్రమంగా సడలించిన విషయం తెలిసిందే. అక్కడ ఇప్పటికే మాస్కు తప్పనిసరి అనే నిబంధనను తీసేశారు. అయితే కొంత మంది ముందు జాగ్రత్త కోసం, మరికొందరు అలవాటు ప్రకారం మాస్కులను ధరిస్తున్నారు. ఇదిలా ఉంటే కాలిఫోర్నియాలో ని ఓ కేఫ్ వినూత్న నిబంధన విధించింది. మా కేఫ్కు ఎవరైనా మాస్కు ధరించి వస్తే.. ఐదు డాలర్లు ఫైన్ విధిస్తామంటూ ప్రకటించింది. అమెరికాలోని కాలిఫోర్నియాలో ఫిడిల్హెడ్స్ అనే ఓ కేఫ్ ఉంది. ఈ కేఫ్లో నోటిసుబోర్డులో ఇలా రాశారు.
Also Read: కోవాగ్జినా.. కోవిషీల్డా ఏది బెటర్? ఇదిగో ఆన్సర్
ఎవరైనా మాస్కులు ధరించి మాకు ఆర్డర్లు ఇస్తే 5 డాలర్లు ఫైన్ విధిస్తాం. అంతేకాక.. వ్యాక్సిన్ వేయించుకున్నాం అని పక్కవాళ్లకు చెప్పినా ఈ ఫైన్ వర్తిస్తుంది’ అంటూ రాశారు. దీంతో కస్టమర్లు ఖంగుతిన్నారు. ఇదేంటి మాస్కు ధరిస్తే ఫైన్ ఎందుకు విధిస్తారు? అంటూ ఆరా తీశారు. అయితే అసలు విషయం ఏమిటంటే? సదరు కేఫ్ యజమాని సేవా కార్యక్రమాలు చేసేందుకు ఇలా వినూత్నంగా ఫైన్లు విధిస్తున్నాడు. ఇక్కడ ఫైన్గా చెల్లించిన మొత్తాన్ని ఓ స్వచ్ఛంద సంస్థకు పంపిస్తున్నాడు. దీంతో చాలా మంది మాస్కులు పెట్టుకొని మరీ ఫైన్ లు కడుతున్నారట. ఇందుకు సంబంధించిన వార్త ప్రస్తుతం వైరల్గా మారింది.
Also Read: పోలీసు కాళ్లమీద పడ్డ రైతన్న..! ఎందుకంటే?