బాలీవుడ్ సూపర్స్టార్, బిగ్బీ అమితాబ్ బచ్చన్ ఎంతో ప్రేమగా ముంబైలో నిర్మించుకున్న ‘ప్రతీక్ష’ బంగ్లాను .. బృహాన్‌ ముంబై మున్సిపాలిటీ కార్పొరేషన్ (బీఎంసీ) అధికారులు కూల్చేయబోతున్నట్టు సమాచారం. ప్రతీక్ష బంగ్లా ఎంతో అందంగా ఉంటుంది. ఓ చారిత్రక కట్టడాన్ని తలపిస్తుంది. కేవలం ఈ ఇంటిని చూసేందుకు కూడా ముంబై వెళ్లే వాళ్లు ఉంటారంటే అతిశయోక్తి కాదేమో. ప్రస్తుతం ఈ బంగ్లా చిక్కుల్లో పడింది. నిబంధనలకు విరుద్ధంగా ఉందంటూ.. రోడ్డు విస్తరణలో భాగంగా ఈ బంగ్లాను కూల్చేయాలని బీఎంసీ అధికారులు ఆదేశాలు జారీచేశారు.
ప్రతీక్ష బంగ్లా ఓ అక్రమ కట్టడం అంటూ కాంగ్రెస్ నేత తులిప్‌ బ్రియాన్‌ మిరండా ఎంతో కాలంగా డిమాండ్ చేస్తున్నాడు.
‘2017లో రోడ్డు విస్తీర్ణంలో భాగంగా ప్రతీక్షకు బృహాన్‌ ముంబై మున్సిపాలిటీ కార్పోరేషన్‌(బీఎంసీ) నోటీసుల కూడా జారీ చేసింది. కానీ ఆ నోటీసులపై ఇప్పటివరకు చర్యలు తీసుకోలేదు. ఈ భవనం ఓ సామాన్యుడిది అయి ఉంటే బీఎంసీ ఇలాగే వ్యవహరించి ఉండేదా’ అంటూ ఆయన ఘాటుగా వ్యాఖ్యానించారు.
Also Read: బాలీవుడ్ బడా స్టార్ రెండో భార్యకూ విడాకులు ఇచ్చాడు..!
దీంతో బీఎంసీ అధికారులు ప్రతీక్ష బంగ్లాను కూల్చేయాలంటూ ఆదేశాలు జారీ చేశారు. అయితే దీనికి అమితాబ్ స్పందన ఎలా ఉంటుందో వేచి చూడాలి. ఆయన కోర్టుకు వెళ్లి స్టే తెచ్చుకొనే అవకాశం ఉందని కొందరు భావిస్తున్నారు. ఇప్పటివరకు అమితాబ్, ఆయన కుటంబసభ్యులు ఎటువంటి స్పందన తెలియజేయలేదు. కానీ ఈ భవానాన్ని అమితాబ్ బచ్చన్ ఎంతో ఇష్టంగా కట్టించుకున్నారు.
Also Read: టిక్టాక్ వచ్చేస్తోంది..!