కరోనా లాక్డౌన్ తో సినీ ఇండస్ట్రీకి కోలుకోలేని దెబ్బ పడింది. ఫస్ట్వేవ్లో దారుణంగా నష్టాలను చవిచూసిన ఇండస్ట్రీ.. సెకండ్వేవ్లో మరింత ఇబ్బందులు పడుతున్నది. ఇదిలా ఉంటే ఫస్ట్వేవ్ అనంతరం లాక్డౌన్ నిబంధనలు సడలించడంతో కొన్ని సినిమాలు విడదలయ్యాయి. అంతలోనే సెకండ్వేవ్ ముంచుకొచ్చింది. దీంతో థియేటర్లు మూతపడ్డాయి. ప్రస్తుతం క్రమంగా కరోనా ఉధృతి తగ్గుతున్నది. ఈ క్రమంలో 50 శాతం ఆక్యుపెన్సీతో థియేటర్లు ఓపెన్ కావచ్చన్న టాక్ వినిపిస్తోంది. దీంతో కొన్ని సినిమాలు విడుదలకు సిద్ధమవుతున్నాయి.
టక్జగదీశ్, లవ్స్టోరీ, విరాటపర్వం, ఖిలాడి వంటి సినిమాలు విడుదలకు సిద్ధంగా ఉన్నాయి. కొన్ని సినిమాలు షూటింగ్ పూర్తిచేసుకున్నాయి. వెంకటేశ్, శ్రీకాంత్ అడ్డాల కాంబి నేషన్లో నారప్ప చిత్రం తెరకెక్కుతున్న విషయం తెలిసిందే. తమిళంలో హిట్ అయిన అసురన్కు ఈ మూవీ రీమేక్. తమిళంలో టైటిల్ రోల్ను.. ధనుష్ పోషించారు.
అయితే తెలుగులో వెంకటేశ్ ఈ పాత్రను చేస్తున్నారు. ఇది వెంకటేశ్కు ఎంతో చాలెంజింగ్ రోల్ అని నిర్మాతలు అంటున్నారు. గతంలో వెంకటేశ్ ఎప్పుడూ ఇటువంటి రోల్ చేయలేదు. ఇప్పటికే విడుదలైన టీజర్కు మంచి రెస్పాన్స్ వచ్చింది. వెంకటేశ్ లుక్స్ కూడా అద్భుతంగా ఉన్నాయి. నిజానికి ఈ మూవీ మే 14 న రిలీజ్ కావాల్సి ఉంది. కరోనా సెకండ్ వేవ్ తో ఆగిపోయింది. ఈ మూవీలో వెంకటేశ్ భార్య గా ప్రియమణి నటిస్తున్నది. ఇప్పటికే పోస్ట్ ప్రొడక్షన్ ఫినిష్ అయ్యింది. త్వరలోనే రిలీజ్ డేట్ ను అనౌన్స్ చేస్తామని ప్రొడ్యూసర్లు ప్రకటించారు.
Also Read
తారక్ మూవీలో విజయ్ సేతుపతి..! ఏ క్యారెక్టర్ అంటే?