చాలా మందికి ఉదయాన్నే టీ తాగే అలవాటు ఉంటుంది. ఉదయాన్నే టీ తాగక పోతే ఆ రోజంతా చికాకుగా ఉంటుంది.ఇక ఛాయ్లో ఎన్ని రకాలు ఉన్నా అల్లం ఛాయ్ తర్వాతే మరేదైనా. అలాగే ఆరోగ్య రిత్యా అల్లం ఛాయ్తో మంచి లాభాలున్నాయి. అల్లం ఛాయ్లో వుండే సీ విటమిన్, మ్యాగ్నీషియంతోపాటు ఇతర మినరల్స్ ఆరోగ్యానికి ఎంతో మేలు చేస్తాయి.
అల్లం టీ తాగడం వల్ల ఆహారం చక్కగా జీర్ణమవుతుంది. గర్భధారణ సమయంలో మార్నింగ్ సిక్నెస్, శస్త్రచికిత్స అనంతరం కలిగే వికారంను తగ్గించే సామర్థ్యం ఉంటుంది. అల్లంలోని యాంటీ ఇన్ఫ్లమేటరీ లక్షణాలు కండరాల నొప్పిని తగ్గించడంలో సాయపడతాయి.
రక్త ప్రసరణను మెరుగుపరచడానికి అల్లం బెస్ట్ అని చెప్పవచ్చు. గుండె ఆరోగ్యానికి కూడా చాలా మంచిది. అల్లం రక్తంలో చక్కెర స్థాయిలపై తగ్గించగల గుణాలు ఉన్నాయి. అల్లంలో యాంటీ ఆక్సిడెంట్లు అధికంగా ఉంటాయి. ఇది రోగనిరోధక శక్తిని బలోపేతం చేయడానికి సాయపడుతుంది. అల్లం టీ తాగడం వల్ల ఆకలి తగ్గి బరువును అదుపులో ఉంచుకోవచ్చు. అల్లం టీ తాగితే ఒత్తిడి నుండి ఉపశమనం పొందవచ్చు. అల్లం టీ తాగడం వల్ల మానసిక స్థితిని మెరుగుపర్చుకోవచ్చు.