రాజకీయాలకు తాత్కాలిక బ్రేక్ ఇచ్చిన పవన్ కల్యాణ్ వరస సినిమాలతో దూసుకుపోతున్నాడు. ఈ ఏడాది ఆయన నటించిన వకీల్సాబ్ హిట్ అయ్యింది. ప్రస్తుతం క్రిష్ తో చారిత్రక చిత్రం హరిహర వీరమల్లు, మరో మలయాళ రీమేక్ అయ్యప్పనుమ్ కోషియమ్ లోనూ పవర్ స్టార్ పవన్ కళ్యాణ్ నటిస్తున్నాడు.
వీటితో పాటు హరీశ్ శంకర్ డైరెక్షన్ లో పవన్ 28వ చిత్రంలో పవన్ నటించబోతున్నాడు. ఈ సినిమాను మాస్ ఎంటర్ టైనర్ గా హరీష్ శంకర్ మలచనున్నారట. జూలై మూడో వారం నుంచి ఈ మూవీ సెట్స్పైకి రానున్నట్టు సమాచారం. గతంలో వీరిద్దరి కాంబినేషన్లో వచ్చిన గబ్బర్ సింగ్ భారీ హిట్ కొట్టిన విషయం తెలిసిందే. దీంతో ఈ సినిమాపై భారీ అంచనాలు నెలకొన్నాయి.
అయితే ఈ సినిమాలో పవన్ రెండు విభిన్న పాత్రల్లో పవన్ కనిపిస్తాడట. ఇందులో ఓ ప్లాష్ బ్యాక్ ఎపిసోడ్ ఒకటుందని అందులో పవన్ కళ్యాణ్ పోలీస్ ఆఫీసర్ గా కనిపిస్తారని వార్తలు వస్తున్నాయి. గబ్బర్ సింగ్ తర్వాత హరీశ్ శంకర్ గద్దలకొండ గణేశ్, దువ్వాడ జగన్నాథమ్ వంటి సినిమాలను తెరకెక్కించాడు. హరీశ్ శంకర్ దర్శకుడే కాక.. గొప్ప రచయిత కూడా. అందుకే ఆయన సినిమాల్లో మాస్ను అలరించే డైలాగులు ఉంటాయి. గతంలో భారీ హిట్ ఇవ్వడంతో పవర్ స్టార్ పవన్ కళ్యాణ్ హరీష్ శంకర్ కు మరోసారి చాన్స్ ఇచ్చాడు. ఈ నేపథ్యంలో ఈ సారి కూడా గబ్బర్ సింగ్ లా ఓ మాస్ చిత్రం పడుతుందని పవర్ స్టార్ ఫ్యాన్స్ ఎదురుచూస్తున్నారు.
Also Read