- Advertisement -
భారత నారీశక్తి కీర్తి కిరీటంలో మరో కలికితురాయి. జాతీయ విపత్తు ప్రతిస్పందన దళం (ఎన్డీఆర్ఎఫ్)లోకి తొలిసారిగా మహిళలకు ప్రవేశం లభించింది. 100 మందికిపైగా అతివలతో కూడిన మొదటి బృందం విజయవంతంగా శిక్షణ పూర్తి చేసుకొని ఈ దళంలో చేరింది. ప్రస్తుతం ఈ బృందాన్ని ఉత్తర్ప్రదేశ్లోని గఢ్ ముక్తేశ్వర్ పట్టణంలో గంగా నది ఒడ్డున అత్యవసర విధుల నిర్వహణ కోసం మోహరించారు. వీరు సహాయ పడవలు, ఇతర సాధన సంపత్తిని నిర్వహిస్తున్నారని ఎన్డీఆర్ఎఫ్ డైరెక్టర్ జనరల్ ఎస్.ఎన్. ప్రధాన్ తెలిపారు.
విపత్తుల సమయంలో బాధితులను ఆదుకోవడానికి అవసరమైన అన్ని రకాల నైపుణ్యాలను వీరు కలిగి ఉన్నారని చెప్పారు ప్రధాన్. ముఖ్యంగా మహిళలను రక్షించడంలో కీలక పాత్ర పోషిస్తారని పేర్కొన్నారు. సమీప భవిష్యత్లో ఈ దళ బలాన్ని 200కు పెంచనున్నట్లు తెలిపారు.