మసీదు, దర్గాల్లో లౌడ్ స్పీకర్ల వినియోగంపై కర్ణాటక వక్ఫ్ బోర్డు ఆంక్షలు విధించింది. రాత్రి 10 నుంచి ఉదయం 6 వరకు ఎలాంటి స్పీకర్లను వినియోగించరాదని స్పష్టం చేసింది. నిబంధనలు ఉల్లంఘించిన వారిపై కఠిన చర్యలు చేపడతామని హెచ్చరిస్తూ ఈనెల 9న ఉత్తర్వులు జారీ చేసింది.
ఈ ఉత్తర్వులపై బెంగళూరులోని జామియా మసీద్ ఇమామ్ మఖ్సూద్ ఇమ్రాన్ స్పందించారు. నిర్ణయాన్ని సమీక్షించాలని బోర్డుకు విజ్ఞప్తి చేశామని వెల్లడించారు. త్వరలో రంజాన్ రానున్న నేపథ్యంలో సూర్యోదయం వేళలను దృష్టిలో పెట్టుకుని ఆంక్షలను ఉదయం ఐదు గంటల వరకే పరిమితం చేయాలని కోరినట్లు తెలిపారు.
మసీదులు, దర్గాల్లో వినియోగించే లౌడ్ స్పీకర్ల కారణంగా సమీప ప్రాంతాల్లో నివసించే ప్రజల ఆరోగ్యం దెబ్బతినే అవకాశం ఉందని గుర్తించాము. ఈ విషయంపై 2017 జులై 10న తొలిసారి ప్రకటన విడుదల చేశాము. ఆజాన్కు మాత్రమే లౌడ్స్పీకర్ల వినియోగానికి అనుమతిస్తున్నాము అని కర్ణాటక వక్ఫ్ బోర్డు తెలిపింది.
విషాదంలో ఆ గ్రామం.. సెప్టిక్‌లో పడి ఐదుగురు దుర్మరణం!