గుమగుమలాడే గుత్తి వంకాయ్ కూర.. ఇలా చేస్తే లొట్టలెయ్యాల్సిందే!

తెలుగు వంటకాలలో ఎంతో ప్రాచుర్యం పొందిన వంటలలో గుత్తివంకాయ ఒకటి. ఏదైనా పండుగలు ప్రత్యేక శుభ కార్యాలు ఉన్నాయ్ అంటే అందులో తప్పకుండా గుత్తి వంకాయ కూర ఉండాల్సిందే. మరి గుమగుమలాడే నోరూరించే ఈ గుత్తి వంకాయ కూర ఎలా చేయాలో ఇక్కడ తెలుసుకుందాం..

కావలసిన పదార్థాలు:
చిన్న సైజు వంకాయలు అరకిలో, వేరు శనగ పల్లీలు 1 కప్పు, నువ్వులు టేబుల్ స్పూన్, కొబ్బరి పొడి 2 టేబుల్ స్పూన్లు, ఉల్లిపాయ 1, వెల్లుల్లి రెబ్బలు 10, ధనియాల పొడి టేబుల్ స్పూన్, కొత్తిమీర గుప్పెడు, లవంగాలు 4, ఉప్పు తగినంత, కారం పొడి 1 టేబుల్ స్పూన్, పసుపు చిటికెడు. నూనె తగినంత, కరివేపాకు రెమ్మ, ఆవాలు, జీలకర్ర టేబుల్ స్పూన్.

తయారీ విధానం:
*ముందుగా స్టవ్ మీద కడాయి పెట్టి అందులో వేరుశెనగ పల్లీలను దోరగా వేయించుకోవాలి. ఆ తరువాత అదే కడాయిలోకి టేబుల్ స్పూన్ నువ్వులు వేసి చిటపట అని వరకు వేయించుకోవాలి.
*వేరుశనగ పల్లీలు, నువ్వులు చల్లబడిన తరువాత వాటిని ఒక మిక్సీ గిన్నెలో వేసి, వాటితో పాటు కొబ్బరిపొడి, ధనియాల పొడి, ఉప్పు, కొత్తిమీర, ఉల్లిపాయ ముక్కలు, వెల్లుల్లి, లవంగాలు వేసి మెత్తగా గ్రైండ్ చేసుకోవాలి.

*ఈ విధంగా తయారు చేసుకున్న మిశ్రమాన్ని ఒక గిన్నెలో వేసి టేబుల్ స్పూన్ కారం వేసి ఆ మిశ్రమాన్ని బాగా కలపాలి.

*తరువాత ఒక గిన్నెలో కొన్ని నీళ్ళు తీసుకొని కొద్దిగా ఉప్పు వేసి వంకాయలను నాలుగు భాగాలుగా పూర్తి కట్ చేయకుండా కొంతవరకు కట్ చేసుకుని నీటిలో వేసుకోవాలి.

*ఈ విధంగా వంకాయలు అన్నింటినీ కట్ చేసుకుని తరువాత ఒక్కొక్కటిగా తీసుకొని అందులోకి ముందుగా తయారు చేసుకున్న ఈ మిశ్రమాన్ని పెట్టాలి.

*ఇలా వంకాయలన్ని మిశ్రమంతో నింపిన తర్వాత స్టవ్ మీద కడాయి ఉంచి కొద్దిగా నూనె వేయాలి. నూనె వేడెక్కిన తరవాత ఆవాలు, జీలకర్ర, కరివేపాకు రెమ్మ పోపు పెట్టాలి.

Also read:ఒకప్పటి ఫోటో షేర్ చేసిన వర్మ..?

*తరువాత మనం తయారు చేసుకున్న మిశ్రమం మిగిలి ఉంటే దానిని పోపులో వేసి చిన్న మంటపై బాగా కలియబెట్టాలి.

*ఈ మసాలా మిశ్రమంలోకి చిటికెడు పసుపు వేసి బాగా మగ్గనివ్వాలి. ఈ విధంగా మసాలా మగ్గిన తర్వాత మనకు కావలసిన నీరును వేసుకోవాలి.

*ఈ నీళ్లు బాగా ఉడుకుతున్న తరువాత ముందుగా మసాలా మిశ్రమాన్ని పెట్టుకున్న వంకాయలను అందులో వేయాలి.

Also read:అందుడిగా అల్లు అర్జున్… ఆ సినిమా కోసం అంత సిద్ధం!

*వంకాయలు అన్ని వేసిన తర్వాత ఒక 10 నిమిషాల పాటు చిన్న మంటపై ఉడికించాలి వంకాయ మెత్తగా ఉడికిన తర్వాత స్టౌ ఆఫ్ చేసుకుంటే ఎంతో రుచికరమైన గుత్తి వంకాయ కూర తయారైనట్లే.