- Advertisement -
స్మార్ట్ఫోన్ ఆధారంగా లాలాజలాన్ని పరీక్షించి కొవిడ్-19 ఉనికిని నిర్ధరించే సరికొత్త పరీక్ష విధానాన్ని అమెరికా శాస్త్రవేత్తలు కనుగొన్నారు. ప్రయోగశాలతో పనిలేకుండా, కేవలం 15 నిమిషాల్లోనే ఇది ఫలితాన్ని వెల్లడిస్తుండటం విశేషం. ‘టులానె యూనివర్సిటీ స్కూల్ ఆఫ్ మెడిసిన్’ చేపట్టిన ఈ పరిశోధన వివరాలను ‘సైన్స్ అడ్వాన్సెస్’ పత్రిక అందించింది.
పరిశోధకులు స్మార్ట్ఫోన్కు ఫ్లోరోసైన్స్ మైక్రోస్కోప్ను అనుసంధానించారు. ఇందుకు వారు ‘సీఆర్ఐఎస్పీఆర్/కాస్ 12ఎ మాలిక్యూల్ ఎస్సే చిప్’ను వినియోగించారు. లాలాజల నమూనాల్లో వైరస్ తీవ్రతను ఈ మైక్రోస్కోప్ అత్యంత నిశితంగా పరిశీలిస్తుంది. కాగా, ఈ విధానంలో మొత్తం 12 మంది కొవిడ్ బాధితులకు, ఆరుగురు ఆరోగ్యవంతులకు పరీక్షలు నిర్వహించగా.. సరిగ్గా ఆర్టీ-పీసీఆర్ విధానంలో మాదిరే ఫలితాలు వచ్చాయి.