యూఏఈలో నిర్మించనున్న తొలి హిందూ దేవాలయ నమూనాను ఆలయ నిర్వాహకులు విడుదల చేశారు. భారతీయ ఇతిహాసాలు, పురాణాలు, గ్రంథాలు, పురాతన గాధలతో ఆలయ గోడలు అలరారనున్నాయని నిర్వాహకులు తెలిపారు. మన దేశ తరహాలోనే చేతితో చెక్కిన రాతి స్తంభాలను ఉపయోగిస్తున్నారు. ఈ మేరకు సంబంధిత దృశ్యాలను విడుదల చేశారు బోచాసాన్వి శ్రీ అక్షర్ పురుషోత్తమ్ స్వామినారాయణ్ సంస్థాన్(బీఏపీఎస్) అధికార ప్రతినిధి అశోక్ కొటెచా.
ఈ ఆలయ నిర్మాణం కోసం రాజస్థాన్, గుజరాత్లలో తయారైన ప్రత్యేక శిలలను ఉపయోగిస్తున్నారు. ఆలయ వెలుపలి భాగంలో గ్రంథాలయం, తరగతి గది, సమావేశ భవనాలను నిర్మించనున్నారు.ప్రవేశ ద్వారంలో ఏర్పాటు చేసిన జలపాతం, ఆలయం చుట్టూ ప్రత్యేకంగా రూపొందించిన నీటి వనరుల దృశ్యాలు చూపరులను విశేషంగా ఆకట్టుకుంటున్నాయి.
చారిత్రాత్మకమైన ఈ ఆలయం.. భారత్, యూఏఈల మార్గనిర్దేశం ప్రకారం నిర్మిస్తున్నారు అధికారులు. ఈ హిందూ పుణ్యక్షేత్రం కోసం గతేడాది ఏప్రిల్లో పునాదులు పడగా.. అదే సంవత్సరం డిసెంబర్ నుంచి నిర్మాణ పనులు ప్రారంభించారు. మందిరానికి సంబంధించిన మాస్టర్ ప్లాన్ రూపకల్పన ఈ ఏడాది ఆరంభంలోనే పూర్తయింది. అయితే.. కరోనా మహమ్మారి కారణంగా నిర్మాణ పనులు మరింత ఆలస్యమవుతున్నాయి.
మాంసం తిని.. గుడికి వెళ్ళొచ్చా.. వెళ్తే ఏమవుతుందో తెలుసా..?
హారతి సమయంలో ఈ గుళ్లో దేవుడు కళ్లు తెరుస్తాడని తెలుసా?