చిరంజీవి కెరీర్లో ఓ బిగ్గెస్ట్ బ్లాక్బస్టర్ ఇంద్ర. ఈ సినిమా సృష్టించిన కలెక్షన్ల సునామీ మాములుది కాదు. ఆరోజుల్లోనే అంటే 2002లోనే దాదాపు రూ.35 కోట్లు కలెక్షన్లు రాబట్టి తెలుగు సినిమా స్థాయిని పెంచింది ఇంద్ర. అప్పట్లో తెలుగులో ఫ్యాక్షన్ సినిమాలకు విపరీతమైన ఆదరణ ఉండేది. ఇక అటువంటి చిత్రాలను తెరకెక్కించడంలో బీ గోపాల్ సిద్ధహస్తుడు. ఇక బడ్జెట్ అంటే ఏ మాత్రం లెక్కచేయకుండా.. భారీ నిర్మాణవిలువతో సినిమాలు తీసే అశ్వనీదత్. వీరికి తోడు మణిశర్మ మ్యూజిక్ డైరెక్టర్. చిరంజీవి సరసన సోనాలీ బింద్రె, ఆర్తీ అగర్వాల్ హీరోయిన్లు.
ఇలా భారీ అంచనాలతో భారీ బడ్జెట్తో తెరకెక్కిన ఇంద్ర.. రికార్డు స్థాయిలో కలెక్షన్లు రాబట్టింది. ప్రపంచవ్యాప్తంగా ఈ సినిమాకు దాదాపు 2 కోట్ల టికెట్లు అమ్ముడుపోయాయంటే దీని రేంజ్ ఏమిటో తెలుసుకోవచ్చు. ఈ చిత్రంలోని పాటలన్నీ సూపర్హిట్ అయ్యాయి. ఇక చిరు స్టెప్పులు అదుర్స్ అనిపించుకున్నాయి. దాయిదాయి దామా అనే డ్యాన్స్ స్టెప్ ప్రేక్షకులను ఉర్రూతలుగించింది.
ఈ చిత్రం విడుదలై నేటికి 19 ఏళ్లు పూర్తయ్యాయి. 2002 జూలై 24న ప్రేక్షకుల ముందుకొచ్చిన ఇంద్ర ఘన విజయం సాధించింది. ఈ సినిమా డైరెక్టుగా 122 కేంద్రాల్లో 100 రోజులు ఆలస్యంగా విడుదల అయ్యి మరి కొన్ని కేంద్రాల్లో కూడా శత దినోత్సవం జరుపుకుంది. అప్పట్లో ఓ సినిమా ఇన్ని కేంద్రాల్లో వంద రోజులు ఆడటం రికార్డు. అప్పటి వరకు వరుస ప్లాప్ లతో సతమతమవుతున్న చిరుకు ఈ సినిమా ఇండస్ట్రీ హిట్ ఇచ్చి ఆయనను మరోసారి తిరుగులేని స్థానంలో నిలబెట్టింది.
Also Read
మహేశ్ ఫ్యాన్స్కు గుడ్న్యూస్.. బర్త్డేకు త్రిబుల్ ట్రీట్..!
భీమ్ విషయం ఓకే.. మరి అల్లూరి సంగతేంటి?
ప్రభుత్వాలు అనుమతిచ్చినా.. సినిమాల విడుదలకు అడ్డేమిటి?