సుకుమార్ చిత్రాల్లో స్పెషల్ సాంగ్స్కు ఓ ప్రత్యేక స్థానం ఉంటుంది. కథపరంగా, సన్నివేశాల పరంగా సుకుమార్ ఎంతో విభిన్నంగా ఆలోచిస్తాడన్న విషయం తెలిసిందే. ఆయన చిత్రాల్లో ఏదో ఓ ప్రత్యేకత ఉంటుంది. ఇక తాజాగా సుకుమార్ .. అల్లు అర్జున్ కాంబినేషన్లో పుష్ప చిత్రం తెరకెక్కుతున్న విషయం తెలిసిందే. ఈ సినిమా పాన్ఇండియా కేటగిరిలో రాబోతున్నది. గతంలో వీరి కాంబినేషన్లో తెరకెక్కిన ఆర్య, ఆర్య 2 ఎంతో సక్సెస్ అయిన విషయం తెలిసిందే.
గంగోత్రితో ఇండస్ట్రీకి పరిచయమైన అల్లు అర్జున్..ఆర్యతోనే నటుడిగా నిరూపించుకున్నాడు. స్టైలిష్ స్టార్గా ఎదిగాడు. అయితే ప్రస్తుతం పుష్ప చిత్రం ద్వారా పాన్ ఇండియా హీరోగా రాణించాలని ఆశపడుతున్నాడు బన్నీ. ఇప్పటికే బన్నీకి మలయాళంలో మంచి మార్కెట్ ఉంది. ఇక సుకుమార్ చిత్రాలు ఎంతో విభిన్నంగా ఉంటాయి కాబట్టి.. పాన్ ఇండియా లెవల్లో ఈ చిత్రాలకు మార్కెట్ ఉండే చాన్స్ ఉంది. ఇదిలా ఉంటే పుష్ప సినిమాలో బాలీవుడ్ శృంగార తార సన్నీ లియోన్తో స్పెషల్ సాంగ్ చేయబోతున్నారు. ఇందుకు సన్నీ కూడా ఒప్పుకుందట. అయితే ఈ ఒక్క పాట కోసమే సన్నీ లియోన్ రూ. 90 లక్షలు డిమాండ్ చేసిందని టాక్.
సన్నీ లియోన్కు ప్రపంచవ్యాప్తంగా మార్కెట్ ఉంటుంది. దీంతో ఆమెకు అడిగినంత మొత్తం ఇచ్చేందుకు మేకర్స్ ఒప్పుకున్నారట. ఈ పాట కోసం ఇప్పటికే ఏర్పాట్లు కూడా సాగుతున్నాయట. పుష్ప చిత్రంలో రష్మిక మందన్న హీరోయిన్గా నటిస్తున్న విషయం తెలిసిందే. రష్మిక గిరిజన యువతిగా కనిపించబోతున్నది. ఇక ఎర్ర చందనం స్మగ్లింగ్ కథాంశంతో ఈ చిత్రం తెరకెక్కుతోంది. అల్లు అర్జున్ లారీ డ్రైవర్గా మాస్ లుక్తో కనిపించనున్నాడు.
Also Read
పవన్ ఫ్యాన్స్ కి గుడ్ న్యూస్.. ‘ఏకే ‘ షూట్ మళ్లీ మొదలు..!