సినిమా హీరోయిన్ల ప్రేమ వ్యవహారాలు పెళ్లిళ్లపై అప్పుడప్పుడూ రూమర్స్ రావడం సహజమే. కొన్ని సార్లు అవి నిజమవుతుంటాయి. మరికొన్ని సందర్బాల్లో రూమర్స్గానే మిగిలిపోతూ ఉంటాయి. తెలుగులో అగ్రతారగా వెలుగొందిన కాజల్ అగర్వాల్ ఇటీవల ప్రముఖ వ్యాపారవేత్త గౌతమ్ కిచ్లును పెళ్లాడిన విషయం తెలిసిందే. చాలా కాలంగా వీరు ప్రేమలో ఉన్నప్పటికీ వీరి వ్యవహారం బయటకు పొక్కలేదు. ఇదిలా ఉంటే తాజాగా ప్రముఖ నటి త్రిష త్వరలోనే ఓ దర్శకుడిని పెళ్లి చేసుకోబోతుందంటూ తమిళ మీడియాలో వార్తలు వినిపిస్తున్నాయి.
గతంలోనే త్రిషకు వరుణ్ మణియన్ అనే వ్యాపారవేత్తతో ఎంగేజ్ మెంట్ అయ్యింది. ఏ కారణం వల్లనో వీరిద్దరూ విడిపోయారు. ఆ తరువాత నిశ్చితార్థం రద్దైంది. ఆ తర్వాత ఓ ప్రముఖ తెలుగునటుడితో ఆమె ప్రేమలో ఉన్నట్టు వార్తలు వచ్చాయి. కానీ సదరు నటుడికి ఈ లాక్డౌన్లోనే పెళ్లి కూడా అయ్యింది. ఇదిలా ఉంటే కొన్నేళ్లుగా త్రిష తెలుగు సినిమాల్లో నటించడం లేదు. చెన్నైలోనే ఉంటూ తమిళ సినిమాల్లో నటిస్తోంది.
కాగా త్రిష ప్రస్తుతం ఓ తమిళ డైరెక్టర్తో క్లోజ్గా ఉన్నట్టు సమాచారం. వీళ్లిద్దరూ చాలా కాలంగా ప్రేమించుకుంటున్నారని.. త్వరలోనే పెళ్లి కూడా చేసుకోబోతున్నట్టు టాక్. పెళ్లికి ఇరు కుటుంబాల తరఫు వారు కూడా ఒప్పుకున్నారట. ప్రస్తుతం త్రిష కొన్ని తమిళ సినిమాల్లో నటిస్తోంది. వెబ్సీరిస్లు కూడా చేస్తోంది. కాగా ప్రస్తుతం నందమూరి బాలకృష్ణ క్రాక్ ఫేమ్ గోపీచంద్ మలినేనితో ఓ సినిమా చేస్తున్నారు. ఇందులో ఓ నాయికగా త్రిషను ఎంపిక చేసినట్లు సమాచారం. అయితే దీనికి సంబంధించి అఫిసిఅల్ ప్రకటన రావాల్సి ఉంది.
Also Read
సార్ మీ కులపోడినే.. కొద్దిగా చాన్స్ ఇవ్వరూ..!
సినీ మేకర్స్ కి ఈ లీకుల బాధ తప్పదా..!