మోడెర్నా సంస్థ రూపొందించిన వ్యాక్సిన్ క్యాండిడేట్ mRNA-1273 అత్యవసర వినియోగానికి అతిత్వరలోనే అమెరికా ఆహార, ఔషధ నియంత్రణ సంస్థ (ఎఫ్డీఏ) అనుమతులు ఇవ్వనుంది. ఈ మేరకు నిపుణులతో కూడిన ఎఫ్డీఏ సలహా కమిటీ.. టీకా ఆమోదం కోసం సిఫార్సు చేసింది. ఎఫ్డీఏ- వ్యాక్సిన్లు, జీవఉత్పత్తుల సలహా కమిటీ సభ్యుల్లో 20-0 ఓట్లతో టీకాకు గ్రీన్సిగ్నల్ లభించింది. ఈ నేపథ్యంలో.. వ్యాక్సిన్ అత్యవసర వినియోగానికి అతి త్వరలోనే తుది అనుమతులు ఇచ్చే దిశగా ప్రయత్నిస్తామని ఆహార, నియంత్రణ సంస్థ కమిషనర్ స్టీఫెన్ హాన్ తెలిపారు.
ఇప్పటికే మోడెర్నా క్లినికల్ ట్రయల్స్లో సురక్షితమైంది, సమర్థమైందని తేలింది. నవంబర్ 30న ప్రకటించిన ఫలితాల్లో.. టీకా 94.1 శాతం ప్రభావవంతంగా పనిచేస్తుందని మోడెర్నా స్పష్టం చేసింది. ప్రతికూల ప్రభావం లేదని నిర్ధరించింది.
ఎఫ్డీఏ అనుమతులు లభిస్తే.. ప్రజలకు అందుబాటులోకి తీసుకొచ్చేందుకు చర్యలు ప్రారంభిస్తామని మోడెర్నా సీఈఓ స్టీఫెన్ బన్సల్ స్పష్టం చేశారు.