ఆర్ఆర్ఆర్పై ఇప్పటికే ఓ రేంజ్లో హైప్ క్రియేట్ అయ్యింది. పాన్ ఇండియా స్థాయిలో ఈ మూవీపై చర్చ జరుగుతోంది. ఇటీవల విడుదలైన ఈ మూవీ మేకింగ్ వీడియో రికార్డు స్థాయిలో వ్యూస్ తీసుకొచ్చి దుమ్ము దులిపేసింది. ఇక అక్టోబర్ 13న ప్రపంచవ్యాప్తంగా ఈ చిత్రం విడుదల చేయబోతున్నట్టు మేకర్స్ ప్రకటించారు. ఆ లోగా సినిమాకు ఫుల్ హైప్ క్రియేట్ చేయాలని భావిస్తున్నారు. ఇక జూనియర్ ఎన్టీఆర్ చేయబోయే ఎవరు మీలో కోటిశ్వరుడు అనే టీవీ షోకు తొలి గెస్ట్గా చరణ్ రాబోతున్నట్టు సమాచారం.
ఇది సినిమా ప్రమోషన్లో భాగంగానే చేయబోతున్నట్టు సమాచారం. మరోవైపు ఆ లోపు నటీనటులతో ఇంటర్వ్యూలు, టీవీ షోలతో ప్రమోషన్ చేసుకోవాలని భావిస్తున్నారట. ప్రస్తుతం ప్రమోషనల్ సాంగ్ చిత్రీకరిస్తున్నారు. ఆర్ఆర్ఆర్కు సంబంధించి ‘బీ హైండ్ ద సీన్స్’ పేరుతో ఓ డాక్యుమెంటరీని విడుదల చేయబోతున్నారట. దీన్ని ఓ ప్రముఖ ఓటీటీలో విడుదల చేయబోతున్నట్టు సమాచారం. ప్రస్తుతం ఇందుకు సంబంధించిన పనులు జరుగుతున్నాయట.
ఆర్ఆర్ఆర్ విడుదలైతే తారక్, చరణ్ పాన్ ఇండియా స్టార్స్గా మారిపోనున్నారు. అందుకోసమే వాళ్లు ఈ సినిమా కోసం ఇన్నేళ్లుగా కష్టపడుతున్నారు. సినిమా విడుదలకు నెల రోజుల ముందు నుంచే భారీగా ప్రమోషన్ వీడియోలు, యూట్యూబ్ ఇంటర్వ్యూలు, టీవీ షోలతో ఆర్ఆర్ఆర్ టీం అలరించనున్నది. ఇందుకోసం ఇప్పటినుంచే పక్కా ప్రణాళికను సిద్ధం చేసుకుంటున్నారు. భారీ బడ్జెట్ సినిమా కావడంతో.. ఆ మేరకు ఓపెనింగ్స్ తీసుకురావాలని చిత్ర యూనిట్ భావిస్తున్నదట.
Also Read
వెబ్సీరిస్లో నటించబోతున్న దగ్గుపాటి హీరోలు..!
అనిల్ రావిపూడి -మహేశ్ – గీతా ఆర్ట్స్ కాంబినేషన్ ఫిక్స్ అయిందా?