రుచికరమైన బంగాళదుంప హల్వా ఎలా తయారు చేయాలంటే?

సాధారణంగా చిన్న పిల్లల నుంచి పెద్దవారి వరకు హల్వా తినాలంటే ఎంతో ఇష్టపడుతుంటారు. హల్వా అంటే కేవలం క్యారెట్ తో మాత్రమే కాకుండా బంగాళదుంప తో తయారు చేసుకున్న హల్వా కూడా ఎంతో అద్భుతమైన రుచిని కలిగి ఉంటుంది.మరి ఈ బంగాళదుంప హల్వా ఎలా తయారు చేసుకోవాలో ఇక్కడ తెలుసుకుందాం…

కావలసిన పదార్థాలు:
మైదా పిండి ఒక కప్పు, బంగాళదుంపలు 5, చిక్కటి పాలు ఒక కప్పు, నెయ్యి అర కప్పు, చక్కెర పొడి ఒకటిన్నర కప్పు, జీడిపప్పు బాదం గుప్పెడు, ఏలకులపొడి ఒక టీస్పూన్, ఫుడ్ కలర్ చిటికెడు
(అవసరమనుకుంటే)

*ముందుగా బంగాళదుంపలను బాగా కడిగి వాటిపై ఉన్న తొక్క తీసి చిన్న చిన్న ముక్కలుగా తరిగి పెట్టుకోవాలి.

Also read:రుచికరమైన టమోటో రైస్ ఎలా తయారు చేయాలో తెలుసా?

*తరువాత స్టవ్ మీద కడాయి పెట్టి కొద్దిగా నెయ్యి వేసి ఈ బంగాళా దుంప ముక్కలను వేసి చిన్న మంటపై బాగా వేయించాలి. బంగాళాదుంప ముక్కలు ఎంత మగ్గితే హల్వా అంత రుచిగా వస్తుంది.

*బంగాళదుంపలు బాగా మగ్గిన తర్వాత అందులో కి పాలు పంచదార వేసి బాగా కలియబెట్టాలి. ఈ విధంగా ఈ మిశ్రమాన్ని మెత్తగా ఉడికించుకోవాలి.

Also read:ఆంధ్ర స్పెషల్.. టమోటా పప్పు ఎలా చెయ్యాలంటే?

*ఈ మిశ్రమం బాగా ఉడికిన తరువాత మిశ్రమం మొత్తం దగ్గర పడుతూ ముద్దగా తయారవుతుంది.ఈ మిశ్రమంలోకి ముందుగా వేయించి పెట్టుకున్న జీడి పప్పు, బాదం , అదేవిధంగా ఏలకులపొడి వేసి కలియబెట్టి స్టౌ ఆఫ్ చేయాలి.

*వేడి వేడిగా ఉన్న హల్వాను సర్వర్ చేసుకుని తినటం వల్ల ఎంతో రుచికరంగా ఉంటుంది.