రెండేళ్ల లోపు పిల్లలకు తీపి పదార్థాలు ఆహారంగా పెట్టకూడదని అమెరికా ప్రభుత్వం తాజాగా విడుదల చేసిన ఆహార మార్గదర్శకాల్లో పేర్కొంది. పిల్లలకు కనీసం ఆరు నెలలైనా తల్లి పాలు తాగించాలని సూచించింది. ఐస్క్రీమ్, కేక్ వంటి పదార్థాలకు దూరంగా ఉంచాలని కోరింది.
మొదటి దశలో పిల్లలకు పౌష్ఠికాహారం అందించడం చాలా ముఖ్యమని కాలిఫోర్నియా విశ్వవిద్యాలయ పోషకాహార నిపుణులు బార్బరా ష్నీమన్ అన్నారు. ప్రభుత్వం మంచి నిర్ణయం తీసుకుందని పేర్కొన్నారు.
రోజువారీ ఆహారంలో చక్కెర శాతం 6 కన్నా తక్కువగా ఉండాలని, మద్యం సేవించే పురుషులు ఒక డ్రింక్కు మాత్రమే పరిమితం కావాలనే మార్గదర్శకాలను జారీ చేయాలని ప్రభుత్వానికి సూచించారు శాస్త్రవేత్తలు. కానీ, మొత్తం క్యాలరీల్లో చక్కెర శాతం 10 కన్నా తక్కువగా ఉండాలని, మద్యం సేవించే పురుషులు రెండు డ్రింక్లకు పరిమితం కావాలనే పాత మార్గదర్శకాల్లో ఏ మార్పు జరపలేదు అమెరికా ప్రభుత్వం.
షూగర్ వ్యాధి ఉన్నవారు తీసుకోవాల్సిన జాగ్రత్తలు!